好多生活喺珠三角地区嘅朋友都系睇住港产片长大嘅，细心嘅一定有发觉港式粤语同广式粤语听起身硬系有啲唔同，广式粤语发音比较重，语速相对短促，语气都比较干脆，音调起伏大，而港式粤语嘅一大特色就系句尾嘅语气词，将句子节奏稍微拉长，音韵起伏比较平和，冇广式嘅生硬，听起身会俾人一种软糯嘅感觉。其实，两者嘅区别又何止读音，一齐来探讨下你就知道佢地真系好唔同！
广式粤语非常精炼，唔拖泥带水。港式粤语喺句子之间会用好多语气词，拉长声调，形成一种特殊嘅语气。
广式粤语：你好，我想问下…
港式粤语：你好啊，我想問下勒…
再例：
广式粤语：你系边度人？
港式粤语：你系边度人嚟架？
历史原因，有啲词语同用语方式不尽相同。当然，由于宜家信息交流达到爆炸嘅程度，大多数人都已混用。下面只系一部分例子，你系咪发觉两种你都有用？
由于英治时间太长，英文作为官方语言早已深入人心，所以喺香港日常生活中或工作交流中粤语和英语混搭嘅情况好常见。
例：
广式粤语：阿明，呢个报表帮我同财务部嗰边核对下，唔该。
港式粤语：Vincent（假设小明嘅英文名系Vincent），呢个statement帮我同Finance嗰边check下，唔该。
再例：
广式粤语：呢个表格唔该填下。
港式粤语：呢个form勒唔该填下。
广州人同香港人平時讲野都會有懶音，自认为老一辈嘅广州人（特指旧广州城內）懶音比较少。年轻一辈好难搵出冇懶音嘅喇，但总嘅来讲香港粤语懒音较重。
香港粤语通常唔区分中古泥来母（广府片正音分别应该读/n/同/l/），你里不分；
香港粤语常常唔区分“五”（ng）同“唔”（m）；
香港粤语通常唔区分ng声母（疑母）同零声母。
譬如，「传奇」個「传」字香港人多数读 zyun3，好少读cyun4（本正）。同埋多广州人都將「氓」字读成 maang4，但系香港一般读 man4。
至于边个最正宗，咁就好难评定了，要追究起源嘅话，粤语嘅发源地其实系古代苍梧郡广信，即系宜家嘅广西梧州，可惜广西年轻一代基本都唔讲白话了。社会喺度发展，语言都会改变，对母语保护程度不尽相同。宜家广式粤语较多普化音，受到普通话推广嘅影响，新一代后生仔越来越读唔准发音了，而且用词好多贴近官方话书面语，喺母语保护依个方面，香港就略胜一筹了。
最新评论