mai5 fen2

米   粉

中国南方地区流行嘅粉类，以大米为原料，经过浸泡、蒸煮同压条等工序制成条状或丝状，各个地区嘅米粉外形、口感、制作方法均有不同。

广东地区较为出名嘅系河源米粉，俗称“手排”，大米经过磨浆、脱水、臼夯、水蒸、切丝、晾晒、成形等10道工序制成，外形美观、有爽滑感、唔黐牙、唔夹生、唔易断。

米粉喺唔同地区有唔同叫法，米线系云南一代嘅叫法，所以米线同米粉本质上系一样嘢。

saa1 ho4 fan2

沙   河   粉

因产于广州市郊嘅沙河镇而得名，盛行于广东、广西、海南一带，俗称河粉。

以米粉浆蒸成薄粉皮，再切成条状。沙河粉薄而透明，韧而爽滑，干炒、湿炒、蒸煮、捞拌均可，衍生出嘅菜式花样众多，其中以干炒牛河最为闻名而常见。

值得一提嘅系，传统沙河粉选用白云山山泉水同隔季优质米精制而成，新米不宜用于制作沙河粉。

laai6 fan2

濑  粉

濑粉呈圆条状，短而粗，好似人嘅手指尾咁。濑粉原产地为中山。

早期制作濑粉系用稠米浆放入特定嘅壶，喺滚水上方倾倒，米浆从孔中“濑”出又长又韧嘅粉条，入水遇热即成状，得名为濑粉。

后来改为先煮熟米粉，搓成粉团放喺槽孔中，用木塞挤压出粉条。濑粉制成之后，要放入冷水中冲洗，然后再煮食。

zyu1 coeng4 fan2

猪     肠      粉

猪肠粉嘅蒸制与沙河粉相似，以竹窝承稀米浆，整成薄粉皮，将粉皮卷起，横切面好似树木嘅年轮，成不规则的圈状。

由于状如猪肠，故称猪肠粉，亦叫卷粉，食嘅时候剪成一条条或一粒粒，淋上豉油、熟（花生）油，捞匀就可以食。

猪肠粉亦可以同牛腩、猪手、扣肉等重味多汁嘅食物混合，更加惹味，其中牛腩猪肠粉就系广府著名菜式。

coeng2 fan2

肠     粉

肠粉与猪肠粉同出一源，可以话肠粉系猪肠粉嘅二代产品，两者同样将稀米浆蒸熟再卷起成肠状，不过肠粉会用布拉（后来好多店铺改为用铝蒸屉蒸），入边加多种馅料，并且肠粉现蒸现食，皮薄馅靓，爽滑可口。

香港广佛地区，多配以特制酱油、花生油或猪油，潮汕的确多用花生酱或沙茶酱等，而新加坡同马来西亚多添加芝麻同甜酱一齐食用。

can4 cyun1 fan2

陈      村     粉

由顺德陈村人黄但发明，故名为陈村粉。陈村粉系宽条米粉，多数呈片状，由竹笪蒸成。

由于竹笪密度较疏，米浆倒喺竹笪上，会流失较多水分，所以陈村粉粉片较薄，只有0.5-0.7毫米（普通粉厚度都喺1毫米以上），口感嫩滑，韧性适中。

陈村粉有多种食法，以排骨、豉汁蒸最为常见。

zuk1 sing1 min6

竹   升   面

广东云吞面选用全蛋银丝幼面，而且会用鸭蛋，而唔系鸡蛋，呢个系广东面嘅独有特色。银丝幼面呈金黄色，细而带韧，弹牙爽口。

银丝幼面系用唔同筋道嘅面粉同鸭蛋混合，搓成面团，中间不加任何水，所以整出嚟嘅面会特别有韧性。

和面之后，如果系传统嘅云吞面师傅，会用竹升（大茅竹竿）压打30分钟左右，先再攞去压制切成面条。竹竿会压走面团嘅空气，使面团起筋，增加面嘅弹性和爽劲，竹升压出嘅面系机器所无法复制嘅。

ji1 min6

伊  面

即伊府面，据说为清代惠州知府尹秉绶家厨所传。伊面系一种油炸嘅鸡蛋面，讲究色型好，体质松而不散，浮而不实，伊面嘅制作与即食面有相似之处。

先将面条放入滚水加热，滤干水分之后再放入滚油中炸，炸到面身均匀变硬为止，再做成饼状。煮食时与多种材料炆煮，也可以炒食或做成汤面，往往作为长寿面出现喺寿宴之中。