hea呢个字，今时今日肯定冇人会觉得陌生。但系hea嘅粤语正字，相信冇咩人知道。

上网一查，维基词典收录咗某个假说：将hea写成「迆」或「迤」，粤语发音为“以”。其实「迆」、「迤」无论读音定意思都同hea相差甚远，明显存在巨大争议！

而细心一查，网上流传hea嘅正字仲有「嬉、憩、愒、歇、戏、呬」等等，就连英文h e a 定 h a e都存在争议。

香港名填词人黄伟文根据hea嘅读音

原创出一个hea嘅新造字。

↓↓

hea嘅粤语正字系边个？呢个问题非常复杂！但今次，百度百科就严谨得多！真系对百度刮目相看！

但系话hea嘅使用语境同“搵”相近，呢个讲法又有冇道理呢？

hea确实系一个古粤语嘅动词，有“用手翻找”嘅意思。但系因为生活当中使用嘅语境不断变化，hea嘅意思都有变化同引申。

例如：

1、仔啊，食饭唔好hea餸，畀人话冇礼貌嘎。

（hea：用筷子翻找）

 

 

2、你夜晚成日hea被，小心感亲啊！

（hea：不自觉地用手脚掀开、翻开。）

 

近几年，hea开始喺广东粤语区流行，但系流行嘅意思又有几大改变呢？

1、“hea做”→“马马虎虎，求其”，作状语；

2、“去hea下”→“无所事事”，作动词谓语；

3、“你唔好咁hea”→“颓废”，形容词；

三个hea字尽管词性唔同，但系都有“慵懒、颓废”嘅意思。

依家几乎个个人都知道hea呢个潮语，而且都活学活用。但系就未必个个都知道佢原本嘅意思。而hea代表“颓废”嘅意思由来更加系讲唔清楚。

hea真正流行大概5、6年。首次喺媒体上面出现可以追溯到2002年，陈奕迅代言利宾纳，广告标语就系“手提利宾纳，出街hea嘅指定饮品”。

仲有一个已鲜为人知嘅讲法：80年代，当时Beyond仲系地下乐队，有日喺电视睇到一只树獭，挂喺树上好无聊，Beyond成员就你一言我一语咁搵一个词形容呢只树獭，结果个个都觉得“hea”最贴切。从此就喺band友中流行起身。

粤语作为一种汇聚古汉语同各地文化嘅语言，确实博大精深！虽然hea呢个字仲未有一个公认嘅正字，但hea本身就蕴含广大民众嘅智慧文化。

对未知，希望人人都可以hea出新知识！

（表用手翻找）

对自己，希望人人都唔好咁hea！

（表颓废慵懒）

综合自维基词典、百度百科、

《hea的正写就是hea》冯晞乾

童说岭南系列丛书

《街巷探秘》、《广饮广食》、《小脚走古迹》

同小朋友一齐分享好多广州人都唔知嘅古仔！