睇到《流氓皇帝》嘅呢段片，
真系忍唔住要赞下编剧！
短短一分钟里面，
就有13个同“马”有关嘅粤语词！
认真鬼马！
“马”嘅粤语词，点止13个！
又系时候跟阿咩学一啲
成日听，但用得少嘅
“马”字用语！
马来西亚嚟嘅就叫大马佬，澳门嚟嘅就叫马交佬！
【马交】澳门
【大马/马拉】马来西亚
踩部瘦马出街，见到嘅交警揸部铁马追住部冷马！
【瘦马】自行车戏称
【冷马】空调巴士
【铁马】①两轮摩托 ；②路障；施工铁护栏、隔离护栏、市政铁马
大佬B只马仔陈浩南，朝早食咗只马仔，跟住去睇马仔。
【马仔】（按顺序）
① 泛指手下、随从等。
②萨其马。
③小马儿;马驹儿;马驹子。
阿强今日色心起，去咗马房谂住爆马栏，但系马夫话今日啲“啄地”畀人包起晒！
【爆马栏】开房
【马房】俗指专门向外提供妓女的妓院
【马夫】即鸡头。俗指拉皮条的人活接送鸡的人
（图与“马夫”无关）
每逢礼拜三、六，一大班马迷都会买晒马飞入马场跑马，呢期马王真系犀利，一场都冇输过！
【马飞】马票。
【马王】赛马中成绩最好的马。
【马标】①赛马票②引申为彩票
【跑马】①马会比赛 ；②丧失了机会 ；③赌民
【马季】(香港的)赛马季节;香港从每年9月下旬至次年5 月下旬举办跑马比赛,供人参与赌马。
【马缆】指赌马时的投注情况及金额；下注后发给投注者的票据,一般称”马票”,在非法投注集团中称”马缆”。
今日有两班古惑仔喺学校门口扎马，左边嗰班好叠马，个个都攞住张马闸，右边觉得唔对路，即刻打电话拖马！
【马闸】躺椅，摺叠椅。
【好叠马】一大票人马。
【扎马】①指（两帮人马）对峙 ②上厕所蹲坑 ③练马步
【拖马；班马】搬救兵；后援；召集党羽，帮手助威打架。
呢个新帮会成日嚟呢个公园收马，有次一个马达去虾个靓仔，点知晒马唔成，畀个靓仔打返转头！
【晒马】炫耀武力。
【收马】收新会员（帮会）。
【马达】女流氓;女性不良青少年。
今届歌唱比赛，人人都以为个冠军系黑马，点知原来佢系黄马，老窦买通晒哋评委造马！
【黑马】爆冷的马匹就称为。
【黄马】指获得重用的皇亲国戚。
【造马】①指在赛马活动中贿赂骑师控制比赛结果以牟利 ②泛指暗箱操作，令到选举或比赛结果改变。
A：好想请假去星马泰啊！ B：谂鬼咩！积埋咁多假，去马啦！
【星马泰】三个旅游热点：新加坡、马来西亚、泰国。
【去马】上马；去干吧；上吧；决定做某事并付诸行动。
客人：老世，骨腩粥，马蹄糕，快马！ 老世：快乜鬼马啊！今日星期三，个伙计堕马啊！
【马蹄】荸荠。
【快马】饮食业用语。表示顾客要求尽快得到食物。
【堕马】请假没来上班，港人喜欢跑马是世界闻名的，用“堕马”来形容夥计请假非常贴近生活（茶餐厅术语）。
【马乸】母马。 【叻马】麻利。 【马杀鸡】 按摩。 【马鲚鱼】凤尾鱼。 【帮牵马】接班人。 【跑夜马】出夜车。 【头马】第一把手。 【花马枚】花式猜拳。 【撞死马】莽撞的人。 【马拉鸡】 外国女人。 【马佬】基佬中的男方。 【上马】开香堂收门生。 【马棚】养马简陋的房屋。 【巡城马】喻：满城跑的人。 【马命】喻：辛苦劳碌的人。 【马尾装】指女子的仿马尾发型。 【马屎苋】苋菜；一年生草本植物。 【水马】路障，护栏。又名胶水马。 【撬马脚】象棋术语，比喻阻挠别人的计划。 【马尾】指在后脑勺处束起,状似马尾的长发。 【流马尿】流眼泪；哭鼻子;比喻眼窝浅常流眼泪。 【鬼马】形容即诡异又逗笑的言行；机灵，鬼点子。 【骑膊马】把小孩子放肩膀上，让他高人一等看热闹。 【打马仔】一人骑角马，两人骑猪乸，三步要埋头，撞到面就打。
粤语唔单止“马”多，仲有呢啲多：
综合自百度贴吧-粤语吧、新浪微博
童说岭南系列丛书
《街巷探秘》、《广饮广食》、《小脚走古迹》
同小朋友一齐分享好多广州人都唔知嘅古仔！
最新评论