虽然话就嚟冬至，但系广州依然处于入冬失败嘅状态，有成20几度，着多件衫就出汗，一啲冬天嘅感觉都冇。

我哋成日会听老一辈人讲嘅两句俗话——

可见喺老广东人心目中，冬至系非常重要，但系对于后生嚟讲，冬至反而成为咗可有可无嘅节日。

阿咩觉得，广州人已经失去冬天，唔可以再失去冬至嘅习俗。

关于冬至，你又知几多？

上古时期，人类通过观测天象，好早就发现冬至点，并以此作为一年时间循环嘅起点。周秦时期，一直以冬十一月为正月，以冬至为岁首过新年。直至到汉武帝太初改历，采用夏历，先将冬至与元旦（春节）分开。

虽然冬至系一年之内接受阳光最少嘅日子，但并唔系一年最冻嘅日子，由于地面热量发散需要时间，所以其实系过咗冬至，先进入最冻嘅日子。

为咗度过漫漫隆冬，古代人就发明咗“数九”嘅习俗，从冬至嗰日开始数，每过九日为一个单位，过咗九个“九日”，春天就会到来，各地都产生咗唔同嘅“九九消寒歌”同“九九消寒图”。

搵资料，发现有以下几个方面原因：

1.古代系农耕社会，经常要睇天食饭，关注气候变化，所以节气喺古代人心目中就好重要。而到咗冬至，农民一年嘅耕作就结束，可以休息下，为来年耕作做准备；

2.冬至系一年中白昼最短、夜晚最长嘅日子，古人相信冬至过后，阴气转衰，阳气变盛，古代人信仰同遵循阴阳变化，就非常重视呢个阴阳变化嘅时间点；

3.古代生活条件差，漫长寒冷嘅冬天往往令人情绪压抑，而冬至嘅到来，代表冬天走到极限（注：极限唔等于终点），开始会转向春天，令人睇到未来嘅希望；

4.除夕系阴历十二月嘅最后一日，每年嘅日子并唔统一，隔几年仲要加插闰月保证准确，而冬至来自公自转规律，不可违抗，每年固定喺嗰几日（公历12月21日~23日），更加具有威严性。

民间会以冬至嘅天气，预测未来日子嘅天气。比如，广东地区就有流行关于冬至嘅民间谚语——

到今日，呢啲冬至谚语喺农村地区较为流行，对于城市人嚟讲，反而唔会咁睇重，而由于气候变暖，啲谚语已经唔系好准啦。

过去对做冬非常重视，广府人都会杀鸡劏鸭，准备腊肉、素菜、果品等嚟拜祖先，以祈求来年大展宏图、大吉大利。

然后要全家团圆食大餐，鸡鸭鱼肉唔可以少，羊肉、狗肉都系例牌餸，总之，冬至嗰餐九菜一汤系缺一不可。

另外，汤圆系冬至必备，而且一定要全家人围埋一齐食，寓意阖家团圆。每人食完一碗，都仲要再添啲，咁就叫“添岁”，表示“年”虽然仲未过完，但系大家都已经又大一岁。

根据老广府人所讲，每年冬至全家人食完汤圆后，要攞几粒汤圆黐喺门楣上，用于“饲耗”，希望喺冬至呢日喂饱啲老鼠，以后老鼠就唔会嚟咬屋企杂物啦。

过去广府人仲有“冬至鱼生，夏至狗肉”嘅习惯，民间认为，冬至最适宜食鱼生，夏至最适宜食狗肉。

如果喺农村地区，做冬仲要合族举行祭祀典礼，以追念先祖，有啲地方做冬仲会喺祠堂开年终总结大会。

到依家，做冬冇咁隆重而正式，不过好多老广府人依旧保留住食糯米饭、冬柑或者汤圆等习俗。

由于生存条件改善、科技发达、全球气温变暖，寒冬对于我哋呢一辈嚟讲，唔会好似以前咁恐怖，我哋好少深刻体验到真正嘅隆冬，加上大家都脱离农业耕作，所以冬至过节嘅气氛就越嚟越淡。

依家做冬，好多时候就系一家人简简单单食餐饭就当过节，而好多后生仔女都已经唔想再过节，觉得好冇必要。

传统始终需要人坚持，即使我哋唔系年年都可以同屋企做冬，但系依然应该知道冬至对于中国人嘅意义。

各位自己友，你哋屋企做冬，

又会做哋咩？食哋咩？

你哋又谂住点过听日？

素材出自民俗志、百度百科

羊城网负责整理编辑