知唔知“讲耶稣”系点嚟嘅？

知唔知“契弟”系闹咩嘢人？

又知唔知“卖猪仔”点卖法？

唔知嘅话，你要认真睇下呢篇文章了！

旧时有段时期，广州系全中国唯一开放嘅口岸，来自葡萄牙嘅天主教传教士(耶稣会)，一日到黑跟住你传教，不停咁传颂耶稣同教义。

但系由于广东先民多数信奉佛教同其他本土神，对天主教兴趣唔大。虽然唔信教，但亦都好包容，任由呢啲传教士喺度啰啰嗦嗦。不过就扣笠高帽畀佢哋，叫“讲耶稣”。

将鬼佬布道宣教称为“讲耶稣”，后来意指“讲没有建设性的废话”。

喺古时，同性恋嘅男人之间会搞上契，有「契父、契仔」或者「契兄、契弟」呢啲关系。

旧时省城广州西关嘅光雅里有五、六间棺材铺，每间都养住几个哭郎。

哭郎大多生得青靓白净、皮光肉滑，但系因为收入微薄，所以佢哋就兼职去做城中官太、富婆玩乐嘅鸭（男妓），又或者同城中同性恋达官贵人做身体交易。

所以广州有两句歇后语：

「光雅里出世嘅人：正契弟！」

「盲公过光雅里，冇眼睇你班契弟！」

后来“契弟”就变成闹人嘅俗语。而依家并唔专讽刺“同性恋”，用嚟闹咩人都得。

晚清时期，走去海外打工嘅华人劳工(通常都系嚟自穷乡僻壤嘅农民或者渔民，特别系广东五邑地区),畀啲招工馆（又称猪仔馆）哩类嘅中介公司呃去外国搵食（多数系南洋、菲律宾、马来西亚、印尼同泰国等地方）。

佢哋当中有唔少人因为无办法返来中国，而且得唔到侨居地嘅公民权利、无法得到移民资格而客死异乡。

卖猪仔，系中国人嘅自嘲之称，西方人叫做咕哩。猪仔嘅本质上系叫做合同劳工。