摘要：最近，有人喺微博@羊城网，“投诉”星巴克姐姐粤语发音唔准！将“冷萃（碎）冰咖啡”读成“冷萃（翠）冰咖啡”

最近，有人喺微博@羊城网，“投诉”星巴克姐姐粤语发音唔准！将“冷萃（碎）冰咖啡”读成“冷萃（翠）冰咖啡”

星巴克已经及时作出回应，表示会积极改进。

母语系普通话嘅朋友，呢句话听起身可能觉得冇咩问题。各位讲粤语嘅自己友，你有冇发现边度出咗问题？

喺粤语里面，“萃”字同“碎”（粤拼seoi6），并冇“翠”呢个读音。但喺普通话里边，“萃”字则同“翠”，可能就系受到普通话影响，粤语发音都慢慢失准。

依家使用普通话嘅场合越嚟越多（尤其系小朋友），个别字词嘅粤语读音同普通话混淆，已经十分常见。而且唔单止服务员讲嘢咬唔准个音，就连个别节目主持人，讲嘢嗰时都好似含住粒石仔咁…

粤语正音非常重要，今日羊城网嘅自己友肥光客串羊城网，同大家正下音！

✎DJ肥光陈健光，中央人民广播电台广州节目制作室一级播音员（粤语）、华夏之声《韵味岭南》节目主持人。

睇完《肥光正音小视频》，绯闻、随便、妩媚、触电、窃听，呢啲都太简单，难唔到各位。但以下列举嘅14个粤语字词，可能连土生土长嘅广州人，都未必读得啱。

下面嘅字词存在“异读字”，有唔同嘅读音，但都系正确嘅，大家都要注意喇！

上面咁多个粤语字词，有几多个系你平时经常读错？有错嘅话，就留心听DJ肥光教你点样读喇！

P.S.DJ肥光仲会详细讲解异读字嘅概念

粤语正音嘅问题，一直都存在争议。有人慷慨激昂，无论咩语言，发音一定要准确，字正腔圆，系对一门语言嘅尊重。都有人话，有人肯讲仲想点？大家沟通到，理解到咪得咯，发音何必太执着？

成日都话，粤语系广州嘅灵魂。

阿爷嗰一代，唔识讲普通话；阿爸嗰一代，普通话讲到一嚿嚿；我哋呢一代，普通话讲得都几好。几十年之间，我哋嘅普通话进步神速，但系粤语呢？

最后引用网友 @黑炭魷魚 嘅说话：我们的执着纠正仅仅为了保留，不是卖弄，也不是分化。