粤语历久不衰，系一直有新嘅词汇补充，而影视同音乐就系其中一个来源。

你知唔知，有几多粤语词嘅诞生同发展系离唔开影视作品？如果冇咗呢啲影视及音乐作品，我哋嘅生活又会少咗边啲词？

「丫呜婆」系每个细路童年阴影，因为啲家长总系用佢嚟吓细路仔。

“你再唔听话，有丫呜婆嚟捉你啊！”

「丫呜」嘅由来，同“乌鸦”真系冇咩关系，反而同一位将军有关。

后来越传越夸张，「丫呜」就被渲染为一种恐怖嘅妖魔鬼怪。

之后有好长一段时间，广东人都已经遗忘咗「丫呜」呢个词，知道1985年林子祥唱咗首《丫呜婆》，「丫呜婆」就用于指代丑怪女人。

「小强」系蟑螂嘅谑称，最先出自1993年星爷电影《唐伯虎点秋香》，星爷将被踩死嘅蟑螂称为「小强」，并为之大喊博同情。

后来喺《算死草》同《男亲女爱》之中，都有运用呢个梗，令到「小强」一词更加深入民心啦。

转移下话题，《男亲女爱》之中曾经喺余乐天嘅梦中拟人化，据说呢只实体化小强，系马国明不露面演出。

▲我嘅童年真系处处有马明

事实上，「小强」呢个名并唔系星爷或者编剧所起，而系出自谷德昭。当时成个剧组都谂紧帮只蟑螂起咩名更搞笑，谷德昭灵机一动谂到「小强」，结果从此就经典嘅喜剧梗。

时至今日，「小强」唔再单纯指某种生物，更多系对身躯弱小但打不死，又有无限潜能嘅人嘅认可。

指代旧时嘅警察，出自上海经典滑稽剧《七十二家房客》经典角色「三六九」。

四十年代，好多上海电影进入香港，翻拍第一部电影版《七十二家房客》，剧中好多梗由此喺广东地区传播，之后都有唔少以此为蓝本翻拍版本。

此词最早出自宋惟白《建中靖国续灯录·法恭禅师》：“秤头半斤，秤尾八两”，半斤八两，轻重相等，故比喻为彼此一样，不相上下。

1976年香港电影《半斤八两》上映，引起巨大反响，同名主题曲由许冠杰演唱，歌词中有句：

歌词反映当时社会生活艰难，使「半斤八两」成为一种无法达到、奢侈嘅愿望，凸显打工仔嘅苦况，「半斤八两」变得偏向贬义。

最初系粤语嘅一个经典歇后语“船头尺——度水”，比喻向人借钱攞钱，后来因《秋天的童话》中「船头尺」一角而广为传播。

同样出自《秋天的童话》嘅仲有一个词——

电影入边，船头尺用「茶煲」（Trouble嘅谐音）形容女性，觉得女人口不对心、斤斤计较好麻烦。

广府有句俗语叫“大只讲，口爽爽”，但系点解又有「大只广」呢个词？

「大只广」原本系漫画家潘醉生作品《大只广》嘅主人公，身材高大而被叫「大只广」。

▲你冇睇错，的确就系简笔画水平……

由于“广”谐音为“讲”，部分人讲嘢又有懒音，「大只广」变成「大只讲」另一种讲法，不过「大只广」更加着重形容一个人空有其表，外表高大威猛，实际毫无建树。

其后有电视剧创作咗「大只广」嘅角色，比如《大闹广昌隆》之中，林家栋饰演嘅「大只广」傻下傻下又滑稽搞笑，观众非常中意，令「大只广」更加为人所知。

1984年，香港上映咗一部经典警匪片《省港旗兵》，讲述咗一群来自广州的匪帮在香港抢劫的故事。

当时大陆啱打完越南战争，有退伍军人由于种种原因铤而走险去香港犯罪，「省港旗兵」一词就指从省城广州来港澳作案嘅劫匪，香港地区用得比较多

70年代「湖南帮」、80年代嘅「大圈帮」，近年嘅「广西帮」、「贵州帮」，包括前不久去世嘅贼王叶继欢，都系赫赫有名嘅「省港旗兵」

最后送个彩蛋，虽然戏入边黄子华同小强亲如兄弟，

但其实佢系怕小强，睇下《男亲女爱》NG花絮你就明啦！

（小强戏份喺5分44秒）

各位自己友，

你哋仲知道有咩词来源于影视作品？

素材出自《香港粤语习用语研究》、维基百科等

羊城网负责整理编辑