丝袜奶茶，又叫做港式奶茶，系好有香港特色嘅一种奶茶，喺省港地区日常下午茶同埋早餐入面好常见嘅饮品。基本上，喺茶餐厅度嘅奶茶都系用丝袜奶茶嘅方式泡制嘅。并且港式奶茶制作技艺成为香港非物质文化遗产。

奶茶嘅起源，好似话喺英国对香港殖民时期，英国人饮下午茶嘅习惯带埋来香港。同啲华人嘅饮茶习惯唔同：英国人习惯喺下昼三点左右，午饭至落班中间嘅一段时间，喺饮茶之余，再食啲西点。

由于锡兰出产嘅红茶味道比较好而且价钱又平，所以锡兰红茶喺香港好流行。英国人饮茶习惯加牛奶同糖，使茶入口更香更滑，呢啲又成为咗香港奶茶嘅基本募。

亦都有人认为，丝袜奶茶系咁嚟嘅：1952年嘅香港，当年有一位十几岁嘅大陆少年名叫林木河，佢嚟到香港并喺中环摆花街开设兰芳园大排档。

细细间嘅排档，每天晏昼都吸引咗好多附近嘅码头工人帮衬。因为用嚟滤茶嘅滤网使用时间耐咗颜色慢慢变成咖啡色，远远望落去就似丝袜，于是工人们每次点单都大喊“一杯丝袜奶茶”，久而久之，丝袜奶茶嘅名称就咁传开咗。

奶茶，其实系一种将奶同茶沟埋嘅嘢饮，喺英国、香港、澳门、新加坡、台湾同蒙古都有佢地唔同特色。

茶走，即系奶茶走糖净系落炼奶唔会用淡奶；炼奶会将奶茶嘅味道变得更加香浓，而淡奶系唔能够做到嘅。由于炼奶嘅甜味够浓，所以就唔使落糖；相反淡奶嘅甜味唔够，就要落糖。

英式奶茶　英国  用红茶做底，再加牛奶同糖

港式奶茶　香港  茶先要用棉线网做过滤，又叫丝袜奶茶

新式拉茶　新加坡  多咗一道“拉”嘅程序，所以又叫拉茶

珍珠奶茶　台湾  加入啲乌黑黑粉圆，又叫珍珠，可以另加西米、布丁、椰果、仙草

蒙古奶茶　蒙古  将砖茶用水煮好，加入氂牛奶同盐

酥油茶　   西藏  将砖茶用水煮好，加入酥油（氂牛黄油）同盐，西藏氂牛产奶量少，通常用酥油茶招呼客人

酒店奶茶　各地  用茶包加滚水，淡奶、糖浆同方糖由客人自由加减