摘要：到底回魂定回神，由你话事！
今日系3月21日世界睡眠日，
但系
我哋今日决定畀你哋睇啲刺激嘢。
包保你舒筋活络醒脑提神。
吖鸭嘅阿嫲最钟意将啲手撕鸡骨攞去煲汤。
某日同小沅子讲起，
发现佢阿妈钟意用烧肉煲汤。
先知道同一个世界，同一款奇葩“靓”汤。
为此我哋决定举办
第一届广东家庭骑呢老火汤大赛
经过三轮海选，五轮初选，
最终筛选出一批极品选手！
以下极品靓汤都系各位自己友嘅亲身经历，
切勿模仿。
如有雷同，请为佢投上你神圣嘅一票！
via.你的廖凯旋
确认过眼神，系我屋企人！
ROUND 1
由80后嘅小G为我哋提供嘅
海味煲番薯汤
由最拿手黑暗料理嘅小G阿妈提供。
“由于唔想嘥咗啲海味而突发奇想嘅九唔搭八汤。
饮完后觉得难以形容其味道。”
感兴趣嘅自己友可以尝试一下！
但其实小G呢碗汤已经系最正常嘎啦！
继续睇落去会刷新你嘅三观同味觉。
ROUND 2
由80后阿CAT为我哋提供
糖渍果蔬乱嚟汤
乜原嚟过年啲糖冬瓜糖莲子都可以煲汤？！
而且仲唔单止一个出现！
年年拜神食剩啲糖果真系好嘥嘎，
果然都系广州人将务实发挥地淋漓尽致啊！
如果你觉得大惊小怪，
跟住落嚟仲有更加精彩嘅。
ROUND 3
由90后嘅咚咚锵为我哋提供嘅
海味苹果十宝汤
除咗海味同苹果，
里面仲会加入淮山蜜枣红萝卜等……
讲系讲十宝，但听到个名就惊啦。
由于实在太垃杂，
自己友咚咚锵完全饮唔出有乜味道。
人生在世，
难免都会有唔小心中招嘅时候。
ROUND 4
由80后嘅自己友为我哋提供嘅
榴莲西瓜果皮汤
据自己友话，其实呢个汤味道唔错。
但对于唔钟意榴莲嘅吖鸭嚟讲，
绝对系一个地狱！
如果有边位自己友屋企忽然出现呢味汤，
可以试下系唔系真系咁好饮。
ROUND 5
由90后嘅嘉欣就系嘉欣为我哋提供嘅
腊肉皮煲苹果汤
腊肉食唔少，腊肉炒菜都食唔少。
不过腊肉皮煲汤真系第一次知道。
每一啖都好似系度渡劫一样，
可能你真系唔系阿妈亲生，
又或者你阿妈真系准备送你上天都唔定。
嗱嗱嗱，唔好走啊，
跟住呢个真系吓到个心离一离嘎。
ROUND 6
由90后嘅辉纸哥为我哋提供嘅
芦荟西瓜瘦肉汤
芦荟西瓜瘦肉汤，还加了两片姜。
啲料听起身好清新啊，味道更好清奇！
“望，色泽令人毛骨悚然；
闻，气味倒是清新怡然；
问，母亲充满期待；
尝，悔恨自己味觉正常。”
唯有讲声妈妈我爱你。
ROUND 7
由90后嘅法号梦遗为我哋提供嘅
风油精煲檐蛇汤
系啊，你冇睇错。
系风油精同埋檐蛇啊！
双飞人药水可以饮我知道，
但风油精可以饮真系第一次听！
见到呢位自己友仲健在，我真系好开心。
“因为咳所以自己阿妈煲咗畀佢化痰止咳。
一啖就可以令你感受天灵盖被打开嘅感觉！”
实在太震撼啦，
完全颠覆我对汤嘅理解！
点解屋企人可以讲咁骑呢嘅嘢攞去煲汤？
点解唔可以简单放两样就搞掂？
本届大赛冠军花落谁家，
就睇你哋嘅投票！
边款汤你觉得最不能接受，
就为佢投上神圣嘅一票！
各位自己友如果仲有乜骑呢古怪嘅“靓”汤，
记得喺留言区话畀我哋知。
畀我哋知道我哋并不孤单！
讲住咁多先，我要去食只鸡髀冷静一下。
篇幅有限，只能呈现部分供稿
特此感谢所有供稿嘅自己友！
最新评论