摘要：点解我又畀餐厅老世水！
成日出去食饭或者叫外卖嘅人（比如我呢种死宅），唔知你有冇试过中伏？食到平生最难食嘅食物？
（中伏：误踩陷阱/遭人作弄）
讲真，食物同图片完全图文不符我都算啦，收得贵啲我都可以理解，毕竟物价腾飞。
最辣㷫我嘅系佢哋对食物嘅唔尊重，竟然煮出以下呢啲嘢嚟“侮辱”我最中意嘅菜式。
全熟嘅窝蛋
辣㷫指数：★★★★★★
what？！你同我讲上边阿只系窝蛋？
我想食窝蛋，系因为我中意蛋液同食物捞埋一齐食嘅口感，鲜甜爽滑，难以抗拒。
有啲商家为咗悭功夫，会提前煮好啲蛋（可能仲要系全熟），直接放上菜面，唔知系侮辱紧我，定侮辱紧只蛋？
「窝蛋」的正确打开方式：在汤汁较多的食物制作过程中将整个鸡蛋直接放入锅中，即不打散鸡蛋液，蛋清和蛋黄完整清晰，煮到蛋液稍微凝固。
唔带血嘅白切鸡
辣㷫指数：★★★★
粤菜中有好多鸡料理，但最负盛名，最具岭南特色嘅无疑系白切鸡。
白切鸡基本唔需要太多调味，完全利用鸡嘅原汁原味，但咁简单嘅菜需要厨师嘅耐心同功夫。
依家去酒楼，好多白切鸡并唔正宗（或者系因为惊禽流感），浸泡时间过长，鸡肉过熟而起渣，咩鲜甜味都冇，一碟唔带血嘅白切鸡点可以算系白切鸡。
「白切鸡」的正确打开方式：处理完整鸡之后，用“虾眼水”浸没鸡身，每五分钟拿出鸡身，倒出里面的水，如此反复多次。
白切鸡最理想的状态是，鸡肉刚刚熟，而鸡骨的骨髓还带有血色。（详情点击→淡茂茂，血淋淋，只有广府人先会钟意呢道菜）
放劲多辣椒嘅炒牛河
辣㷫指数：★★★★★★★★★★
干炒牛河，被认为系考验广东厨师炒菜技艺嘅经典菜式，但当我食过加辣椒嘅干炒牛河，我觉得干炒牛河都好考验食客嘅接受能力……
依家越嚟越多北方菜系进驻广州，有唔少食客口味转变，中意食咩都加一堆辣椒。
冇错，广东有啲地方炒牛河会加少许辣椒酱，的确会唔错，但如果为咗食辣而加劲多辣椒或辣椒酱，咁就真系暴殄天物。
一食落去，只有辣味，冇牛肉味，冇酱料味，咁我何必要点炒牛河，直接去食水煮牛肉啦！
被辣椒攻陷嘅粤菜，又点止干炒牛河→“唔使加辣了，唔该！”
「干炒牛河」的正确打开方式：将芽菜、河粉、韭黄、葱段、事先走油至熟嘅牛肉等轮流放入烧红嘅铁镬爆炒，再加入适量的盐、生抽、老抽调味，炒匀即可。
冇味嘅猪脚姜
辣㷫指数：★★★★
“猪脚姜”，又叫“添丁甜醋”，由于营养丰富而成为广东产妇坐月必食嘅传统滋补食物，亦有唔少人将其当为小食甜品。
而有样嘢好神奇，有啲猪脚姜嘅猪脚同蛋，明明颜色ok，外形十足十，但就系一啲味都冇！
食起身令我怀疑人生，唔通系我打开嘅方式唔啱……
「猪脚姜」的正确打开方式：先煮好姜醋汁，再和处理好的鸡蛋、猪脚、姜片等一起放入瓦煲熬煮，自然晾凉后，将瓦煲放在某一角落里，浸泡一段时间（可以系一个星期到一个月），要吃时再加热。
根据资料，各地猪脚姜做法都有所不同，具体要请教下你阿妈啦~
伪装成云吞嘅抄手
辣㷫指数：★★★
有好多人会分唔清馄饨、抄手、云吞呢三样嘢。
最早“出世”嘅系馄饨，好多类似嘅食物从馄饨演变而来，各自加入地方特色。其中，抄手系四川叫法，云吞系广东叫法。（更详细解释→点解广东叫云吞做云吞？）
广东云吞皮薄馅多，馅料通常离唔开虾仁、大地鱼等鲜味食材，云吞汤以会用大地鱼熬制，食起身异常鲜甜美味。
四川抄手嘅馅料就只有肉馅，但汤底酱料则花样更多，可以清汤可以红油，抄手唔够云吞弹牙，但更加香软顺滑。
▲最出名嘅红油抄手
各位自己友，以后就唔好畀啲无良老细呃，将抄手当成云吞啦~！
「云吞」的正确打开方式：广东云吞的皮以鸡蛋及面粉制成，切成约8cm乘8cm的正方形。馅料则包括肥瘦猪肉、鲜虾仁、大地鱼碎等，调味混成。
广东人包云吞一般讲求快速，不一定要逐步折合云吞皮，大小则以能一口吞下一颗为标准。
各位自己友，
边种食物做法最辣㷫你？
你认为点食先最正宗最好味？
图片素材来源于网络
本文看点由羊城网原创
最新评论