摘要：广州，一个定向越野+密室逃脱之城。
路痴嘅人生系一个悲剧，当路痴遇上广州呢座城市，咁就系悲剧之中嘅悲剧。
喺广州生活咁多年，我时常会有来自灵魂嘅三大拷问——
冇办法，广州实在存在太多迷宫，个个都系路痴克星，分分钟教你做人！
啲迷宫面积大，结构复杂都算啦，出口仲鬼死咁多，一唔小心我就迷失自我，叫天天不应叫地地不灵！
今日就嚟盘点下广州著名迷宫，睇下有边个系你中过招？
初级迷宫
首先，迎面向我哋走嚟嘅系以大学城、动漫星城、广州东站、宜家商场为代表嘅初级迷宫。
初级迷宫虽然结构有些许复杂，但起码路标清晰，指向明确，自己兜兜转转仲可以搵到目的地。
好似大学城咁，虽然面积非常大，坐拥十几间高校，但只要你住一个学期基本上已经可以掌握大学城嘅结构，各个高校大概位置，而且最重要系人哋有公交系统！！！
路痴心声
条条大路通罗马，公园前个个出口都通动漫星城！每次用唔同出口去动漫星城，感觉好似去咗一个全新嘅地方，一次全新嘅体验！
如果想漫无目的行街，宜家的确系首选，但如果你就系有目的嘅购物，咁你就扑街啦！
一个路痴望住宜家个地图基本上系绝望，你同你嘅目标购物区起码差咗十八个山头，几千个人，宜家营销真系万恶！
中级迷宫
比起初级迷宫，中级迷宫最大特点系内部结构复杂度升级，你需要专注力先可以辨别前进方向，一唔小心就行错路！
不过中级迷宫一般覆盖范围不大，且有标志性物体或指引可以指明方向，唔会迷失好耐，比如广州南站。
路痴心声
每次去动物园都要专心致志，唔好行错，因为你永远唔知自己会行去滘口定文冲方向！
而且动物园地铁出口标识太唔明显，要兜几个圈先可以确定自己搵嘅出口！
高级迷宫
高级迷宫，就系一个道路交错复杂，迂回曲折嘅定向越野场所，入边有种神奇嘅魔力，令你永远去唔到目的地。
你必须要同时依靠地图软件同问路，先可以勉强搵到目的地，高级迷宫代表者包括：华南农业大学、珠江新城、高德置地、花城汇南北区等。
一个路痴行高级迷宫，佢会咁问自己——
十分钟之后，佢又会咁问自己——
路痴心声
珠江新城有成十几条路叫华×路，每次打的话去珠江新城某条路，司机总会下意识讲句：“屌！又边条路啊！”
花城汇，又名珠江新城最成功嘅迷宫！每穿越一次花城汇，我感觉自己好似完成咗一次地球航行！
我有个朋友喺珠江新城返工三年，每次行花城汇都会荡失！
究极迷宫
终于讲到广州嘅究极迷宫，每一个都系路痴嘅终极梦魇！
因为究极迷宫唔系考验你嘅认路导航能力，而且直接睇你嘅密室逃脱能力同直觉，反正所有地图软件都救唔到你，自求多福啦！
代表地点：各大城中村、所有地下停车场、正佳广场、体育西路地铁站、华南植物园、时尚天河、老西关各种大路小巷。
每次去体育西路转3号线，我都会同个天赌自己搵唔搵到正确嘅电梯，结果，我每次都输……
时尚天河，又名广州最大嘅地下迷宫城，处处暗流涌动，危机四伏，直到依家我都冇办法顺利从时尚天河行去正佳！
十个行正佳嘅人，有十一嘅都试过荡失路！如果正佳开发对顾客收费嘅密室逃脱项目，绝对可以带动广州GDP增长！
最后送啲荡失专用金句畀各位路痴！
各位自己友，
广州最成功嘅迷宫系边个？
你试过喺边度荡失路？
本文看点由羊城网原创
特此声明
最新评论