2010年，广东有一个传统美食，被美国《洛杉矶时报》评为2009年度十大食谱冠军！而且被誉为“检验粤菜厨师的最高标准”同“厨房克星”！
佢并唔系咩高大上嘅菜式，你都肯定食过。
一碟咁架势嘅干炒牛河，我哋由细食到大！但系唔讲可能冇咩人知，干炒牛河发明之前，广东人都钟意食“牛河”，不过系湿炒。
咁干炒牛河系点嚟嘅呢？
1938年，日本侵华期间，一个叫许彬嘅人喺杨巷路经营“粥粉面”档。
因为以前炒粉都都系“湿炒”，要用生粉打芡。有一晚，生粉啱好用完，但系有个汉奸嚟到，话要食炒粉，仲举起枪威胁。
许彬冇办法，唯有顶硬上，入厨房烧红铁镬，将芽菜、河粉炒好，再加上嫩油拉熟嘅牛肉应付汉奸。点知汉奸食到停唔到口，仲晚晚都嚟帮衬。
点样炒一碟靓嘅干炒牛河？
唔好意思，我答唔到你。
呢个问题留返畀家英哥！
电影《金玉满堂》片段
点样炒一碟靓嘅干炒牛河，我虽然唔识，但系一碟靓嘅干炒牛河入到我嘅口里面，我肯定会有感觉！
过去连续七日，我去咗屋企附近嘅五个大排档，想观察下“宵夜最多人点嘅菜式”（结果干炒牛河同各种粥压倒性领先，其他零零星星。）
五间大排档，其中三间嘅干炒牛河唔系用河粉，而系用潮汕粿条。剩低两间，好重油，而且河粉散散碎碎，夹都夹唔起！
好可惜，好耐都冇食到一碟“靓”嘅干炒牛河……
又想同大家分享一个小经历： 有一次同老窦去茶楼饮茶，咁啱坐喺出菜位附近。 想食干炒牛河，准备落单，但系老窦制止咗我。 老窦：“呢度干炒牛河肯定唔好食！” 我：“何以见得呢？” 老窦：“啱啱见到厨房炒好碟牛河，放咗两三分钟，先有‘地哩’去上菜，大厨炒得几靓都系假，啲镬气都散晒了！” （我老窦都算得上一个“食家”！） 依家嘅广州，落街行下， 通街嘅招牌都系 螺蛳粉、酸辣粉、猪脚饭…
但系我哋最传统嘅味道，
反而越来越少、买少见少。
希望有一日，
有一碟干炒牛河可以畀我呢种感觉！
如果
你知道边度有好嘢食
你想知道去边度搵食
快啲扫码
入群成为
为食自己友
大把搵食咨询等紧你！
記憶中嘅年味：飲啖茶，食件糕……
花尾渡賀年新品，純手工製作廣式糕點。經典蘿蔔糕、黃金馬蹄糕、牛奶紅豆糕、香濃芋頭糕，多種口味任君選擇！錫紙禮盒裝，食用更加安全，送禮體面過人！
零售價：￥48文/盒
點擊底部【閱讀原文】或掃描二維碼即可掃貨
淘寶購買請搜索店鋪【羊記雜貨鋪】
團購或定制請聯繫：020-83195715-805
最新评论