本文建议睡前阅读

睇完你就知道点解

阿妈叫我哋起身，真系无所不用其极，

但唔同嘅妈妈，叫仔女起身又有几大唔同？

闹钟铃声：

你阿妈.MP3

精选几位自己友嘅精彩投稿，

睇下你阿妈嗰句有冇入围！

@护舒宝止血贴：我阿妈最激动嗰次，唔单止闹我，而且佢真系攞咗个铲入嚟！唔系“镬铲”，系“泥铲”！

@可惜我唔系陈奕迅：我阿妈次次叫我起身都系话“你嘅死仔，打风都打唔醒！睇下几时火烛就烧鬼死你！睇你仲醒唔醒！”其实我瞓懒觉，只系因为享受我阿妈叫我起身嗰种感觉！

@三六奶粉：我阿妈成日都话我似只猪，食饭话我似食猪潲、玩手机话我懒过只猪、瞓觉打鼻鼾话我似劏猪、叫唔醒又话我成只死猪咁……

@环市东余文乐：我亲爱的娘亲，每朝早准时8点钟入我间房，用佢哀怨惆怅嘅声线、啱啱好畀你听到嘅音量同我讲“睇嚟你亲张床，仲亲过你阿妈了，我唔阻你哋了……”每日听到，我都会即刻惊醒，唔好问点解！

@豆腐的一些事一些情：我嘅闹钟铃声唔系阿妈，系老窦！每日老窦都系煮好早餐先叫我起身，将早餐摆喺我枕头边，跟住好粗鲁咁讲“周公约咗你饮茶啊？仲好！悭返餐早餐，碗面我倒咗佢啦！”冇错，我老窦就系柔情硬汉。

@水记士多：我阿妈叫我起身，从来唔玩套路，从来唔会郁手！一字记之曰“谮”！7点半开始一直到8点钟冇间断、冇重复：“起身啦”、“快啲起身啦”、“起身返工啦”、“迟到啦，仲唔起身”、“你估我好想叫你啊”、“放假话知你瞓到天黑啊”…….

谮气：音（tsam3），谮气，啰嗦。

@打死唔用note7：我老妈子属于性格火爆、说一不二嗰类人，佢话过净系叫一次，就真系只会叫一次。通常佢早餐叫一次，等到中午饭嗰时佢就会发火“瞓瞓瞓，净系识得瞓，煮好早餐你又唔识，嘥鬼晒！早餐叫到你中午饭先醒，够胆就继续瞓，中午饭我都悭返！”

@江湖人称兜巴星：自从教咗阿妈玩微信之后，佢把嘴真系毒咗好多！都唔知佢关注埋啲乜鬼嘢公众号！1月3号放假后第一日上班，我唔知醒，临急临忙刷牙洗面嗰时佢居然同我讲“如果瞓懒觉可以赚钱，你早就发过李嘉诚、就快发过比尔盖茨啦！”

将你嘅闹钟铃声

你阿妈/爸.mp3或.avi

发畀阿咩或喺留言区分享

等大家都感受下父母嘅

記憶中嘅年味：飲啖茶，食件糕……

花尾渡賀年新品，純手工製作廣式糕點。經典蘿蔔糕、黃金馬蹄糕、牛奶紅豆糕、香濃芋頭糕，多種口味任君選擇！錫紙禮盒裝，食用更加安全，送禮體面過人！

零售價：￥48文/盒

點擊底部【閱讀原文】或掃描二維碼即可掃貨

 淘寶購買請搜索店鋪【羊記雜貨鋪】

團購或定制請聯繫：020-83195715-805