再过多个月，陪住我哋14年嘅广州东宜家就要搬迁！！
由于商场场地面积过小，经常缺货、停车位不足等问题，一直困扰住宜家。为咗畀广州嘅老友记更好嘅购物体验，所以8月份将会搬到三号线三溪站。
广州东宜家早在2003年就入住广州，系国内第一批进驻嘅点。14年来，广州东宜家从一开始嘅活装修参考指南，到各大平台兴起后，后生仔钟爱嘅影相地点。
去宜家食翻串墨鱼丸，饮杯饮料再舔下3蚊雪糕，已经成为标配。得闲去叹下空调，食系美食，怪唔得宜家又被叫做“不出品美食的家具店不是好餐厅”。
▲图源水印
6月20日~7月17日，东站宜家将会有退场折扣，唔想错过优惠嘅老友可以去买买买；而怀旧嘅老友记就要抓紧时间，去影相、留恋一下。
▲图源水印
6月21号，红专厂正式开拆；
8月份广州东宜家店正式搬迁
……
从之前嘅红专厂，到今日嘅宜家
被称为网红打卡点嘅佢地
越来越多咁搬迁、撤离
曾经跟风去过嘅地方
你几耐冇再提起了？
唔知佢哋依家系点样呢？
红专厂
▲原图来源网络、信息时报
除咗今日突然收到嘅“宜家搬迁”，上个星期嘅红专厂要拆，亦都系震撼得嚟又可惜。
曾经，文艺爱好者嘅天堂；
现在，敌不过时间，喺上周已经变成“拆迁户”
TIT创意园
▲原图来源网络、广州海珠旅游
喺小红X、X音、X博里面，TIT系独立于闹市嘅宁静；
实际上，你喺度摆post，隔离人哋喺度“分分钟千万上落”，Ins风照片里面背景亲戚冚都系“白衬衫”，游客冇咩嘢玩，但系就劲羡慕里边返工嘅人。
沙面
▲原图来源网络
被称为“露天欧洲建筑博物馆”，吸引千万游客嚟广州；
实际上……
“婚纱公司摄影基地”（欧洲中世纪贵族背景系列），“淘宝网红服装拍摄一条街”，厕所难搵、停车位劲少、人多到日日开墟咁（心痛）
东山口
▲原图来源网络
“东山少爷、西关小姐”系广州嘅名片，砖红色两层小洋房，几十年嘅榕树，嗰种历史厚重感即刻扑面而来。
但实际，到处系执完一轮一轮，换汤唔换药嘅文创店、咖啡店。讲就系最美美术馆，实际就系一眼望到督嘅玻璃墙，睇完只有被人呃嘅感觉。
但系好在建筑仲系好靓，对得起个名片。
小洲村
▲原图来源网络
保留咗原汁原味嘅村落，想要打造广州嘅“乌镇”。而且系美术生聚集地，好多灵感嘅上升、艺术嘅熏陶啊。
可惜嘅系，发展到依家：货不对板，想要嘅嘢太多，但系做到嘅太少。原汁原味即系违章村屋、放任唔理嘅小涌、安居乐业嘅蚊虫。美术生劲多，但店铺里面嘅文创产品都系几年前嘅旧嘢。
石室圣心大教堂
▲原图来源网络
石室与巴黎圣母院齐名，有“远东巴黎圣母院”之称，系国内现存最宏伟嘅双尖塔哥特式建筑之一。
现实系，入去嘅全部都唔信教，冇几个分得清石室属于咩教，啲细路叫声拆天，圣音无力pk，放假人多到你完全冧唔起呢嗰系“远东巴黎圣母院”。
远景路
▲原图来源网络、白云大事
旧时，远景路可以讲系风头一时，多少后生周末涌去“韩国一条街”觅食。
依家，随住“韩流”影响力嘅减弱，同各种因素影响下，远景路上边嘅铺头，执笠嘅执笠，虚假嘅虚假，不再有往日墟撼。
最后
广州东宜家、红专厂接连离开我们的生活，曾经风光无限嘅网红打卡点好似中咗魔咒一样，一批批倒下。
网红打卡点系个争议颇多嘅词，有人觉得网红嘢都唔系咩好嘢，日日等执笠；但同样有人会觉得，跟住潮流走，同大家一齐玩，几好啊。
有时呢，不必要过分踩低“网红”呢个词。其实“网红”就系有好多人关注，广州有咁多网红打卡点其实都几开心，即系话，有好多人锺意嚟广州玩，想了解广州。
最终，时间会证明，曾经风光无限嘅景点，边啲先系真正嘅经典。
各位老友记
你觉得广州需唔需要网红圣地？
你哋仲知道咩值得去嘅网红圣地？
留言话畀大家知喇！
最新评论