有九个人都会问：

“番瓜？番瓜即系咩瓜？”

面对外地嘅朋友

呢个简直就系世纪难题！

畀人问完一次又一次！

番瓜 番薯 薯仔

再加多一个“番”氏一员嘅番茄

喺普通话里面都有唔同嘅讲法！

有花名嘅蔬菜仲有好多

经过街市阿姨同妈子嘅

友善科普（暴力洗脑）之后

我哋仲总结咗以下嘅典型代表

史上最忙嘅蔬菜——椰菜花

佢喺广东人面前只有一个名

但系一出广东，佢就：

椰菜花 花椰菜 菜花 花菜

四个名，每个字都唔可以错！

一旦唔小心讲漏个“花”字

就会召唤佢嘅姐妹出嚟——椰菜！

仲有呢啲同类

佢哋嘅名一样好多花臣！

传说每个广东阿妈都有一项神奇技能

就算屋企冇咩材料

都可以煮出绝无仅有、十代单传嘅

“住家菜”！

讲嚟讲去咪就系自己炒自己！

你唔好以为佢换咗个朵我就唔识佢啊！

化灰我都认得佢啊！！！

不过广东人似乎特别钟情于瓜

（其实系因为“瓜老衬”……）

好多瓜嚟到广东会特登改个名

如果你掌握咗某啲蔬菜嘅别名

你就可以尝试

为你外地嘅好朋友制造一份舌尖上嘅惊喜

比如话——

芫荽，叫“香菜”嘅时候

唔知点解“难食”嘅代名词

于是佢改名为“芫荽”

潜逃到广东……

（讲笑咋）

以下呢啲蔬菜同仁

你又知唔知佢嘅本名同花名系咩？

亦有啲蔬菜

喺粤语同普通话里面冇太大分别

例如西洋菜、韭菜、白萝卜、洋葱等

点叫都唔会出错~

（唔会喺街市阿姨面前暴露我嘅无知）

依家喺后生仔女口中

已经越嚟越少听到呢啲蔬菜叫法

反而越嚟越多人遇到唔识叫嘅蔬菜

就会直接用普通话表达

希望大家可以分享呢篇文章

畀身边嘅90甚至00后睇

令佢哋唔好对呢啲盏鬼地道嘅粤语叫法

越嚟越陌生，甚至忘记自己母语嘅表达……

你仲知道边啲蔬菜喺广东有花名？

不如讲出嚟等大家开心下啊~