神秘又作死嘅建六组织，
又有新搞作！
继上次广东人食薯条从不将就，建六今次再次发挥广东人嘅魄力，亲身上阵，以身试毒！
而今次嘅主题就系——
即食面（2蚊一包嗰种）！
今次，我哋从网上搜集咗20种古灵精怪嘅即食面食法，最后筛选出9种奇葩之最嘅食法（唔好问点解又系9）。
九种食法包括西瓜汁煮即食面、芝士焗即食面、棉花糖即食面等，我哋再一一进行试毒！
究竟结果如何？奇葩煮法系咪就一定系奇葩口味？而边种食法先系最好味？
**以下图片及食评均来自不惧生死嘅建六组织成员，保证百分百原创！未经许可，禁止转载！
**想获取相关食谱，后台回复“食谱”或加“小沅子”微信~
即食面+鲜牛奶
奶香浓郁，可以一试
汤底变成牛奶之后，成个面汤更加香浓，华丰配料嘅味同牛奶都几搭，不失为一个新颖嘅搭配，不过高温下牛奶会流失营养。
品尝人：阿水
即食面汉堡
熟悉嘅X丰，生疏嘅味道
其实味道不差，X丰面自带的面香加上煎蛋的鲜香，熟悉而又生疏的味道，饱腹之余味蕾倍感满足，若果不是太油腻，也不失为一道适合深夜食堂料理。
另外，汉堡和红酒更配哦~
品尝人：阿咩
即食面卷肠仔
外脆内软，颜值出众
制作过程比较复杂，但最后成品卖相出众，非常吸引，味道整体感觉唔错，华丰面经过油炸后香脆可口，加上中间嘅芝士肠，外脆内软，但会比较油腻，不宜多食。
品尝人：阿C
即食面+西瓜汁
夏日黑暗料理
西瓜清新的甜味融进华丰面中，面条在断裂的瞬间迸发出西瓜汁的香味，唇齿留香，没有想象中那么不堪入口，西瓜煮熟之后味道极似冬瓜和炖汤，如果你喜欢西瓜，不妨一试。
吃了两口后我再喝了一杯正常的西瓜汁，觉得头有点晕，不说了，我先去休息一下……
品尝人：阿Q
即食面+棉花糖
地狱料理界缪斯
如果话张志明掟干冰落厕所，系一种浪漫。咁将棉花糖掟落去九成熟嘅华丰面，绝对系暗黑地狱料理嘅缪斯。
隔住煲盖睇住棉花糖同华丰面水乳交融，仿佛置身爱情灾难片现场，亲临世界奇观。至于系乜味？
——边个会咁扫兴去打扰佢哋，由佢哋喺垃圾桶天长地久啦。
品尝人：鱼乐
芝士蛋即食面
理想午夜料理
蛋液令面变滑，好好入口。芝士同面一齐食，口感厚实，好似食肉，而甜辣酱中和咗芝士嘅“油腻”。整体嚟讲，值得推荐，厨艺好嘅自己友仲可以做出餐厅水平！
品尝人：阿爆
即食面调味粉炒面
落调味粉系重点
煮熟面饼，加少许豉油、糖、调味粉翻炒，加咗啲隔夜猪颈肉，原以为应该颇为平常，但食完之后惊为天人！
面身咸甜适宜，而调味粉更加系点睛之笔，提升成个面嘅味道，好过出面任何一个豉油炒面，令愿肥十斤，都食呢碗面！
品尝人：小沅子
即食面+自制清汤
冇挑战性，冇特色
有日式拉面嘅感觉，可以随意发挥，加入唔同配料同汤底。有要求嘅自己友，面汤可以选用超市嘅浓缩汤包，偷懒嘅可以试下鸡粉+盐，加啲蔬菜会更加清甜！
品尝人：阿爆
即食面蒸蛋
口感唔搭，全冇特色
面嘅口感同蒸蛋极其唔搭，食起身不三不四，似啫喱又系塑料，味道平平无奇，整体感觉一般般。当然，亦有可能系个人技术问题……
品尝人：小沅子
讲咗咁多，建六神秘组织投票之后，推荐嘅食法系即食面卷肠仔、芝士蛋即食面、调味粉炒面。
黑暗料理前三位系西瓜汁即食面、棉花糖即食面、即食面蒸蛋，而牛奶即食面、清汤即食面、汉堡即食面就见仁见智啦，中意嘅可以一试~
最后我哋发现，最好食嘅食法竟然系——
即食面+调味粉
最简单即系最高境界
打开包装，加入调味粉，压碎即食面，然后开餐！
童年嘅时候，冇钱买零食，我哋都试过咁做，用最原始最粗暴嘅方式，得出最高嘅美味同童年嘅味道。
品尝人：建六全体人员
各位自己友，
你最想试边种食法？
你哋有咩独门即食面秘方？
为咗写呢篇文章， 成个建六入晒医院！ 所以我哋停更一周！
讲笑咩 我哋点敢 ↓扫一扫↓
本文看点由羊城网原创
特此声明
最新评论