美X乐系同X羊一样历史悠久嘅雪糕品牌，但比较少人知。

粒豆棒冰系我童年夏天必备，入边有劲多红豆/绿豆粒，咬落去啖啖都系香甜豆粒，雪条之中最好食最抵食！

如果唔系搵资料，我都唔知原来佢有个好诗意嘅名，叫彩月追云杯。雪糕好香滑，但口味整体偏甜，细路仔会更加中意。

虽然我到依家都唔明白，点解呢种雪糕叫魔术杯，不过依然抵挡唔住我对佢嘅喜爱。喺接触M记甜筒之前，佢系我人生食嘅第一个甜筒。

雪糕中嘅“千层面”，香脆朱古力搭配浓滑松软雪糕，真系一流！

以前觉得好神奇，点解雪糕可以整成呢种形态，后来专门睇到制作视频，全程睇得好治愈！

最魔性嘅雪糕，软淋淋又有弹性，而且会越食越长，越食越欲罢不能。有时候突发奇想会觉得，食绿舌头系咪等于舌吻……

所以我嘅初吻系畀咗支雪条？！

有人对佢极其厌恶，有人对佢趋之如骛，我系后者。

从八次方身上，我学识咗两样嘢，一系耐心，食八次方一定要放几分钟再食，否则啲雪糕都冻到你讲唔出声；二系分享，冇办法，一个人真系好难食晒八块……

糯米糍雪糕有几种牌子，我食得最多系阿X罗，直到依家，我都好感谢第一个将糯米糍同雪糕结合嘅人，因为真系好好食！

多年前，我一直好迷茫，玉米香咁好食，点解设计咁反人类！我每次都食到全只手都系雪糕！

多年之后，我睇到玉米香嘅正确食法……

花生大少嘅味道同X羊虽然差唔多，不过有劲多花生，而且平过X羊五毫（我童年嘅价格），所以有好多细路都中意食。