邻居系一对和蔼可亲嘅四川老夫妻。待人和善，不时都会将他们煮嘅菜同我分享，为此，我十分感动。

 

寻晚晚饭，佢哋又送咗碟“夫妻肺片”畀我，但系我拒绝咗……

“唔使加辣了，唔该！”

“ 

阿爆：“谢谢，不过心领了！我吃不了辣。”

 

老先生：“广东这地方湿啊！吃点辣好，祛湿！”

 

阿爆：“我一吃辣就上火！”

 

老先生：“你们广东人这身体不行啊，看我们这么大年纪，这么健康全靠吃辣椒！”

 

阿爆：“……”

 

”

 

“唔使加辣了，唔该！”

拒绝人哋嘅一番好意，实在于心有愧，但我体质属于典型“热底”，唔系怕辣，只不过薯片食多几块，第二日都会喉咙痛、生痘痘，我仲敢食辣？

 

 

“唔使加辣了，唔该！”

 

话虽如此，但我几乎每日都会接触到“辣”。对于我呢个“唔钟意食辣”嘅人嚟讲，非常尴尬！

 

 

“唔使加辣了，唔该！”

 

唔少身边嘅好友，原来都有咁嘅感觉：

 

又上火又热气，食咩辣啊！啲餸又唔系唔够味，唔够味加啲盐咯！

——我老窦

公司楼下有档肠粉铺，买碟肠粉佢问我要唔要辣椒，去过一次就冇去过了！

——蔡小姐

 

“唔使加辣了，唔该！”

依家出去食乜都问加唔加“辣”，食个云吞面都问加唔加辣，我虽然都钟意食辣，但系云吞面加辣，咁咪变咗“抄手”？

——钟先生

 

“唔使加辣了，唔该！”

有次喺一间酒楼食饭，点咗只白切鸡，蘸料居然上咗一碟姜葱、一碟辣椒酱……本地嘅酒楼，但系做得一啲都唔本地，拉黑！

——冯先生

个人口味还个人口味，但系有啲传统粤菜，真系唔适合加辣椒酱嘎！加咗唔紧要，麻烦改改名、标个备注好唔好？例如“干炒牛河”，加咗辣，唔该你改成“辣炒牛河”喇！

——黄小姐

我都几钟意食辣嘢，贪佢够刺激，至于好唔好食，就见仁见智喇，反正我就觉得，粤菜最好食！

——叶太

 

“唔使加辣了，唔该！”

“辣”同“鲜”可以结合到？可能系我见识少啩…我一直都觉得，加咗辣椒嘅，无论鸡、猪、牛、羊、鱼，基本上都系同一个味道。

——梁先生

回想起中学时代，一定会买支辣椒酱送饭，唔系因为辣椒酱好食，系因为饭堂啲饭餸太难食，冇辣椒酱根本入唔到口！

——张小姐

 

“唔使加辣了，唔该！”

有次去重庆，是正宗嘅麻辣火锅，真系好辣，好唔好食都分唔出了！返到广州，食返粤菜，都系觉得粤菜先系挚爱！

——阿Ben

 

“唔使加辣了，唔该！”

各位自己友，你钟唔钟意食“辣”？

对于买牛河、肠粉、云吞面都问加唔加辣，

呢种情况，你又有咩睇法？

“唔使加辣了，唔该！”