到底一个人可以黑到乜程度？

呢种“黑”

系明明我咩都冇做

但就系无缘无故从头黑到脚趾尾，

就好似睇到51岁嘅周慧敏，

隔离嘅呢个人一样

↑↑↑

明明赞叹一下周慧敏系玉女掌门就好

但仲要接受灵魂嘅拷问

明明我只不过系上个网刷下微博啫

点解要咁对我？

除咗面对周慧敏嘅灵魂重击之外，

以下呢十种情况！

建六咸鱼俱乐部嘅咸鱼们

全！部！都！遇！到！过！

（感觉我哋要改名叫：建六咸鱼黑仔部）

人哋嘅黑只不过系肤色上嘅黑

而我哋就唔同啦

我哋系由头黑到脚趾尾

从内到外黑过墨斗

常常以为返工路上嘅艰苦困阻

系为咗令我感恩周末休息嘅美好时光

但有时啲嘢真系整定嘅

呢头计划好提早去攞位，

错开人流高峰

嗰头即刻帮你升呢地狱模式

明明五点转眼塞到六点

然后左转

发现餐厅门口已经企满人

……

人生，就系咁神奇

无论系买成车嘢

抑或系斋买两包饼

一分钟前仲零星几个人排队嘅收银台

都会喺你要去排队埋单嘅时候

“轰”一声

（注意呢个拟声词，真系“轰”一声）

逼爆收银台

就算你转战便利店

你都系咁好彩！

无论你到边

人群跟到你去边！

难得搵到一间心水好餐厅

终于约好班朋友

但人生不如意事十常八九

当你再度光临呢间店

佢已经执咗笠好几日

缘分，真系难以抵挡

呢个世界上

除咗永远瞓唔到嘅“一夜暴富”之外

仲有永远等唔到嘅车

明明平时上班10分钟见到3部嘅车

到你要坐嘅时候

起码要等半个钟先有

真系阴功

唔通每次出门都要测下自己几黑仔？

仲记唔记得返学嗰阵嘅魔咒？

难得逃课一次冇去上嘅堂

老师啱啱好都会系嗰堂课点名

缘分就是那么地神奇

要嚟嘅总系会嚟

难得出外旅游一次

当你艰难咁搵到一笪地好清静

无人踏足嘅特别景致嘅时候

唔使5秒

一定会有一大班人跟过嚟

为咗安慰自己

只能够同自己讲返句：

人群中最闪耀嘅星星！

就系我呢粒天煞孤星！

仲有一个魔咒

新手机开门红——碎屏

呢种爆屏，系一种连防爆膜

钢化膜

甚至乎诺基亚

都打救唔到嘅“猿粪”！

不过有阵时

碎屏都系睇人嘅

例如我

（就系呢种人）

睇咗以下天气预报

确认再三今日烈日当空

突发奇想想要着下白鞋出街

满心欢喜咁出门嘅白饭鱼

到你返屋企嘅时候都会变成“黑饭鱼”

（也都有可能系虹鳟鱼）

原因无他

就系因为广州天气不似预期

今年世界杯爆嘅冷门确实唔少

导致咗唔少朋友之间开始咗猜忌

例如：

小沅子支持咗三队球队，三队都输咗

从此之后

成个办公室嘅人都会问佢：

你今晚买边队赢？

正所谓

一啖好毒奶，造福全世界

但上面讲嘅咁多样

都永远比唔上呢样

因为“试过都话黑！”

当你痛下决心买咗自己睇啱几个月嘅

包包 / 鞋子/ 化妆品 / 模型 / 游戏机嘅时候

过唔够两日

再经过间店嘅时候你就会发现

X你阿妈！X你老母大减价？！

真系你阿妈大减价，益咗你阿爸！

喊都冇眼泪！

唔好问我点知

因为我就系常客！

最后我哋将所有嘅原因归咎于加班多！

（然后遭到阿咩嘅暴打）

导致运气差到贴地

就算去路边摆摊帮人贴膜都打救唔到

为咗逆转衰运

我哋呢班黑仔咸鱼决定

阵间落班要人手一支肥宅水

快乐收工！

各位自己友

你哋试过咩黑仔经历？

系咩令到你继续坚持？

（我知，一定系穷）

快啲留言话畀吖鸭知

等吖鸭开心下啦！

再见！

我哋要去饮肥宅水啦

（系咁噶啦，

唔系你以为我哋仲可以饮咩？

咁鬼穷！）