答案系有，仲唔止一条，系两条（应该仲会有第三条），广州嘅腰骨，一条叫传统中轴线，一条叫新中轴线。

喺广州生活嘅你，知唔知两条中轴线喺边？你屋企又系咪“黐紧线”（黐住条中轴线）？

每一座城都有一条线，呢条线勾勒出城市嘅经脉气象，历史变迁，广州都唔例外。

传统中轴线，最初追溯至任嚣筑城（唔记得任嚣系边个，点击回顾下→广州喺叫广州之前，曾经有过咩名？），任嚣城虽规模不大，但隐隐左右住日后广州嘅城市格局。

后来到唐代，广州已经形成坐北朝南嘅布局，拥有一条属于自己嘅南北向中轴线。

自此，广州始终沿一条南北中轴线对称发展，呢条中轴线喺现代有个名，叫北京路。

到咗晋朝，以越秀山为主要标志，广州传统中轴线开始显现雏型，广州传统中轴线附近出现首座公共建筑——道观越冈院（即三元宫）。

▲东晋时期，南海郡守鲍靓（好名……）精通道法堪舆，到全城寻龙点脉，建造自己嘅道观，最后选址于越秀山南麓，筑起宏大嘅三元宫。

到明朝，镇海楼建起，准确无误地为广州城市传统中轴线作出首次定位。

后来，中山纪念碑、中山纪念堂、市政府合署大楼、海珠桥等嘅出现，共同丰富咗成条传统中轴线。

所以，广州传统中轴线其实就系从北京路发迹，自观音山（越秀山别称）向珠江发散嘅南北向轴线。

广州传统中轴线上重要建筑及标志物：

（自北向南）

跟住讲下广州目前另一条“腰骨”——新中轴线。

广州新中轴线嘅概念，从1984年就提出。

目前新中轴线已建成部分，北起白云山燕岭公园，南至海心沙，以新电视塔为界分为南、北两段，全长12公里。

▲新中轴线贯穿火车东站、天河体育中心、珠江新城等重要生活商业区

▲珠江新城高空俯瞰图，新中轴隐约可见

事实上，新中轴线仅仅系基本建成，其南段仍然喺度开发。真正建成嘅新中轴应该呈现倒T字状。

▲北起珠江前航道和黄埔涌，南至珠江后航道，西起广州大道，尾部西起丫髻沙大桥，东至海珠岛东岸

目前广州新中轴线上重要建筑及标志物：

（自北向南）

广州市政府未来仲会建设广州东部嘅第三条“腰骨”，与传统岭南风味浓烈嘅传统中轴线、商业经济繁荣发展嘅新中轴线唔同，第三条中轴线将系一条生态城市中轴线。

广州三条中轴线，你屋企黐咗边条线？如果冇黐，可以点做？