仲有唔够一日

又到七夕情人节啦~

有拖友嘅朋友

系咪好期待对方嘅七夕礼物咧？

鲜花？

朱古力？

大叠现金？

谂下好啦！唔好谂坏个脑啊！

唔到收礼物嘅最后一刻

你永远都估唔到对方会畀咩“惊喜”你

今日番瓜带你开眼界

睇下今年最流（骑）行（呢）嘅

七夕礼物有乜嘢

阅读前请谨记：

 本文宗旨——拆散一对系一对！

你试过饮有自己个名嘅可乐未，

仲要配啲十几年前嘅非主流诗句，

收到之后直接原地想爆炸！

△抖×同款，刻名可乐

仲要男朋友当场表示：

你喺咪想学周杰伦

“你是我的肥宅水，喝完就把你丢掉”？？

送可乐已经算花心思，

因为有啲男朋友直接送

姨——妈——巾！！！

如果话送杜×斯品牌旗下嘅产品系有所暗示

咁送m巾即系想保持柏拉图式恋爱？

有时候唔好低估直男嘅想象力，

因为佢哋嘅礼物犀利过红牛，

分分钟超乎你想象！

好嘢！！！！！！

我终于可以将呢个男朋友

拆咗佢再重新装一次！

仲可以拆埋我啲情敌添！

仲有一位网友

收到一个印有自己样嘅印章……

嘅印章……印章……章……

唔系所有嘢都好似玫瑰咁

系红色就好浪漫

就嚟七月十四，你想大我就早响

土豪分手用冷暴力

死穷鬼分手直接用暖水壶！

“多喝热水有用的话还要男朋友来干嘛？！”

以后热水壶就系我男朋友

你即刻同我扯！

如果男朋友嘅直男审美

喺七夕再次祸害你

你应该庆幸，

毕竟你男朋友只系侮辱你嘅审美，

而人哋男朋友简直想女朋友死！

我能谂到最浪漫嘅事

就系同你“一齐甩鬼晒啲牙”

古语有云：钻石恒久远，一粒永流传

但你男朋友送嚿金畀你，你又点睇？

仲要一尊关二哥金像……

你送个金寿桃畀我

我仲可以当你同我提前贺寿

但系你整个义薄云天关二哥过嚟

唔通好似下面呢位网友所讲嘅咁：

有啲男朋友毅力同恒心都非常惊人，

明明自己唔识拣唇膏，

仲要偏向虎山行！

想送唇膏畀女朋友，

我教一招万能选唇膏、少使冤枉钱，

就系——

全、部、买、晒！

做人男朋友，要有心又有金！

而有啲男朋友/老公，

我劝你早日分手！

老公口快快，一定有古怪

唔使你送，我自己走！

当然，我觉得最惨嘅都系呢位仁兄：

如果七夕先嚟出现无法扭转嘅状况

你要相信

离开之后唔回头

系佢送畀你最后嘅礼物

如果你仲唔知情人节送咩好

番瓜决定畀两个建议：

第一：

第二：

边个叫你咁谂唔开

问单身朋友嘅意见

各位自己友

你哋收到过咩骑呢情人节礼物？

系咪令你忍住分手嘅欲望？

欢迎留言同我哋分享~

啊，唔好意思，

唔记得你哋班咸鱼边度会有男女朋友啊！

所以，早哋返归瞓啦！