虽然依家系万人哀嚎嘅回南天，但亦都系万物复苏嘅春天，有“花城”之称嘅广州，已经上映住一幕幕落英缤纷、姹紫嫣红嘅美景。

▲流花湖嘅黄花风铃木

▲华师落叶

▲华农紫荆

▲网友拍摄，目测系三角梅

但系再靓嘅花，有一样嘢都可以毁晒你对佢全部美好嘅幻想，呢样就系妈子煲汤！

每一朵你影过嘅花，

喺你阿妈眼中佢可能系汤渣！

 我眼中嘅木棉花系咁

喺我阿妈眼中，佢其实系

所以传说有个关于木棉花嘅神秘组织，每棵木棉树下边都有佢哋嘅组织成员，而我阿妈简直系组织铂金VIP成员……

 我眼中嘅荷花系咁

喺我阿妈眼中，佢其实系

除咗荷花，连荷叶都系汤料——

 有时，我阿妈狼起身，连莲蓬都唔放过……

 我眼中嘅鸡蛋花系咁

喺我阿妈眼中，佢其实系

▲鸡蛋花干

晒干之后攞去煲凉茶，清热解暑，润肺润喉，当然关键系免费！

而曾经屋企养过昙花，

有一日终于等到佢开花

跟住去到我阿妈手上，就变成

我：“阿妈，不如你放过啲花啦……”

“宁可食无肉，不可饭无汤。”

“养猪唔离糠，养仔唔离汤。”

呢一句句广东俗语都展现出广东人对老火汤嘅重视，无论喺屋企定出门在外，每个广东人心心念念嘅都系一啖妈子靓汤。                                             

咁从细到大，你阿妈又有冇创造过新奇到冇朋友、离谱到冇声出嘅老火汤，大家分享下饮汤嘅血泪史！

快啲留言或私信话畀我哋听，

话唔埋下次你阿妈嘅首本名汤会出现喺我哋推文！

图片素材来源于网络

本文看点由羊城网原创