释义：讲出呢6个字，并唔可以安慰到人，安慰到人嘅系呢6个字之后嘅理由。

应用场景：一般系喺伤心、失意之后，脱口而出。

释义：重点唔系话对方傻，重点系之后对方做嘅嘢，感动咗自己感动唔到人哋！

应用场景：多数出现喺感情受创嘅时候，而亲友可能谂埋一边嘅时候。

释义：呢句话其实同“做人连梦想都冇，同咸鱼有乜分别”有异曲同工之处。

应用场景：呢句话一般用于呃你买保险，呃你开20万透支信用卡，呃你买非法集资产品嘅时候用嘅。因为如果你系正经搭铁迫巴上落班嘅，就根本冇可能有梦想。

释义：讲得出呢句话，到底系唔系真系为咗你好，咁就见仁见智啦。但系可以肯定嘅系，如果你照住佢哋嘅意思去做，佢哋嘅满足感一定好高。

应用场景：呢句话多数出现于阿妈嘅口中，少数出现于你老世，你上司，你老师或者你亲戚口中。

释义：呢句话一般都会连埋后面嗰半句：依家唔做XXX几时再做啊？

应用场景：一般用于你想做某啲嘢而唔想做某啲嘢嘅时候。例如：考试可以错过，但玩唔可以；当你老窦老母畀你去相睇但你又有好多剧要煲嘅时候。

释义：出现呢句话，一般都系谂住要安慰你，系要劝你做其他事，前半段好似好关心你一样，其实重点都系后半段，一出现呢句话，系冇办法甩身嘅。

应用场景：讲出现呢番话，一般都系啲塑胶姊妹花，垃圾损友千方百计昆咗你出嚟，而你又发觉现场系货不对版嘅时候，佢地阴谋得逞，系咁意安慰下你嘅敷衍语句，而且暗中带有讽刺+威胁性质，暗示你反正都冇其他 人约，不如就范喇。

释义：呢句话都可以理解成“钱系带唔走嘅”，记住，只要同钱有关，基本唔使讲感情！

应用场景：一般用于劝人用钱，或者怂恿佢哋使钱喺你身上嘅时候。同另外一句话“你嘅钱系我嘅，我嘅钱都系我嘅”，堪称绝代双骄。

释义：呢句话一出，一般都到咗无力挽救嘅时候，到咗呢个时候，可能放手先系最好嘅选择！

应用场景：呢句话其实系“冇计喇鬼叫你冇银两”或者“冇计喇鬼叫你生得唔省镜”嘅文雅代用句。有时候亦系颜值辨别机：你派得呢句话多，证明你颜值高，收得呢句话多，证明你系一个好人。

释义：呢句话系由大名鼎鼎嘅著名思想哲学家、人际关系学者Tze WahWong所讲嘅，虽然好丧，但确实系一句无法反驳嘅说话。

应用场景：一般系对方对你造成伤害嘅时候往你伤口再洒一把盐嘅万能语句；例如，老世拒绝加人工嘅时候；你嘅上司突然要你加班嘅时候；你阿妈唔小心锁你喺屋企嘅时候。

释义：同样出自于Tze WahWong之口，为两餐晏仔嘅打工一族幡然醒悟，醍醐灌顶，展示出傲世而独立之气势嘅涅盘金句。但呢种自带BGM特效嘅场景一般最多只能坚持10秒，过后打工仔会打回原形，再度沉湎于无间地狱。

应用场景：做一切法律约束唔到你嘅事情嘅时候都可以用；例如，打尖嘅时候对方讲，打尖啫，犯法啊？

释义：简简单单6个字，就有一种令人看破红车嘅淡然气质。有阵时，好多嘢就好似碗例汤咁，整定嘅。

例汤：一般出现在粤菜餐馆或茶餐厅内，所有例汤无一例外都会事先煮好备用。

应用场景：一般适用于安慰以下受创患者：考试肥佬、返工迟到、老世唔加人工、踢波先嚟落雨、着新鞋先嚟落雨。