早晚清凉，中午温暖。

最适合喺呢种天气里面——瞓觉。

（如果你有胆嘅话，吖鸭佩服你！）

几日之前因为雷总手机品牌嘅BUG，

导致咗好多人喺清明假期后

第一个工作日不负众望迟到喇！

感谢佢！

可以畀我放多一日假！

（而吖鸭就冇呢个烦恼喇，因为用唔起。）

今日，

建六编辑部嘅同事，

发明咗新颖嘅迟到理由。

@毛哥 | 中年焦虑的80后

就迟到，准备跑返公司，点知过马路嘅时候见到佢喺楼下仆街啊！成个趴喺地下，真系好阴功。

我系唔会话畀你知呢个“佢”

系阿Q亲自测试建六地心吸力。

衰在临门一脚。为求迟到不惜以身试法！

除此之外，

我真系估唔到各位嘅迟到理由都层出不穷。

返个工真系困难重重。

@林佳樹 | 担心脱发的90后

有次同事说地铁堵车。结果真的是地铁堵车，还上了新闻。

喺广州，

塞下车塞下地铁真系一啲都唔出奇噶。

毕竟地铁安检要排队，偶尔仲要限流。

@灰纸 | 担心脱发的90后

曾经前一晚调好了闹钟，睡前打算设置放歌20分钟后关闭，结果还没设置就睡着了…… 歌放了一夜手机没电……没电……没电…… 闹钟……呵呵，没电的手机要闹钟何用？

电子产品有好多种，

不过只要冇电全部都系废铁。

@匿名 | 担心脱发的90后

清明假期结束前一晚，室友认真调了六点的闹钟，结果还是睡过了，因为！她调的闹钟是周一的！！！！而那天上班是星期天！

睡眠大法无敌，独孤难免寂寞。

@schumacher | 中年焦虑的80后

有个同学经常迟到，原因系屋企爆屎渠，仲要爆好几日。

如果屋企日日爆屎渠未好爽？

@随心 | 担心脱发的90后

我：领导，塞车啊！

老世：隔离街口就到，你可以塞2个钟？

我：塞到车都入唔到站。我喺车站等咗2个钟先上车。

老世：你听日唔使嚟啦。

老板有一百个理由要你加班，

但永远唔会畀你一个理由迟到。

@肥波 | 担心脱发的90后

听过最离谱，老师问点解迟到，同学话：我老窦唔畀我翻学。哈哈哈哈哈哈哈哈！

后生可畏喔，健身游泳了解一下？

@阿咩老公 | 中年焦虑的80后

试过发梦已经上咗班，听到电话响嗰时，梦入面亦都系我老细喺度畀电话我，我居然接鸠咗，同老细讲我咪喺办公室咯！

我老细大叫：食懵你啊！半个钟之内你再唔喺你个办公台蒲头，你以后都唔使返嚟啦！

结果，咪就咁失业咯。鬼叫我瞓着，就地雷爆炸都唔醒咩。

老实讲，

手机闹钟都冇乜用，

最好都系人肉闹钟。

@7777 | 担心脱发的90后

宿舍嘅锁坏左。好似平时咁起床，刷牙洗面，剩返啱啱够到公司嘅时间，然后准备出门嘅时候，插入锁匙，点拧把锁都冇反应…然后咁就迟到了。

缘分呢家嘢，真系冇办法强求。

@薯仔 | 担心脱发的90后

准备好晒所有嘢，啱开门出门上班，忽然就屎急。我有咩办法？

人有三急，

如果老世问起，

唯有发笃屎畀佢睇咯。

@小沅子 | 担心脱发的90后

上班路上讨论大纲，导致坐过站。

热爱工作嘅小沅子真系好性感啊！

每日驱使我去上班嘅，

唔系适时响起嘅闹钟，

系衫袋里面瘦身成功嘅银包

同埋要不停上调额度嘅某呗。

唔系我迟到，

系你早到姐！

你今日迟咗到未？

留言同我哋分享下

你嘅光荣迟到史吧！

本文图片来源网络