亲爱嘅“妮妲”，

寻日，因为你，

我平时40分钟嘅公交，

搭咗3个钟……

因为你，超市逼满人抢粮草。

因为你，好多人今日都唔洗上班。

但系，

你作为一个吓亲成千万人嘅超级台风，

屌你刮大风啲好唔好？

整多3个钟暴雨好唔好？

我老世叫我下午返工啊扑街！

讲返转头，呢个超级台风冇对广州造成咩大伤害就梗系好事啦。平平安安先最紧要！

今次“妮妲”，我真系要赞一赞广州嘅政府部门！！更加要感谢政府部门！！因为佢哋真系做到咗“以民为本”，关心市民嘅生命财产安全同利益！（梗系感谢啦，寻日又提早落班，今日又唔洗上班……等等，我依家做紧咩啊？）

时间返去寻日，嗰时系点？

果然，下午两点

落班时间，想快啲返屋企，不过…..

呢个场景系唔系好熟悉？

想去超市买定几日餸，点知….

可以话今次“妮妲”，真系吓亲全广州！不过，白惊都好过出咗事再嚟后悔，今次政府部门嘅应对工作真系做得相当好！值得全广州市民畀个good啊！

话时话，我印象中广州好似真系冇发生过重大伤亡嘅自然灾害。台风，年年都有噶，刮下风落几场大雨姐。地震、旱灾、冰雹……近100年来，广州咩都有，但系对广州嚟讲都唔系大问题！

究竟点解广州咁风调雨顺啊？等我解过你听！

据志书记载，秦嬴政统一六国后，有术士来报：“南方黄云紫气之异，乃龙脉所在，必出异人也。”呢条龙脉，讲嘅就系我哋广州白云山南麓景泰坑一带。

可能因为“龙脉”庇佑，过去近100年广东沿海发生130多次台风记录里面，冇几个台风系喺广州境内登陆。而且广州地区自从有地震记录以来，从未发生过破坏性地震。

早喺2000年前，《水经注 泿水》记载，东吴大将步骘顺西江而下到达广州。登上象岗山朝汉台，“睹巨海之浩茫，观原薮之殷阜，乃曰： 斯诚海岛膏腴之地，宜为都邑 。”（巨海：珠江。）

有条咁猛嘅龙脉傍住，

唔怪得“妮妲”朝早11点就离开广州！

唔怪得打风成日都系周末、五一、国庆！

以后台风想放假都难了！