广东三宝系广东三样正嘢，但究竟系边三宝？就有好多个版本啦，最多人认同嘅版本就系指陈皮、老姜、禾秆草。

不过亦都流传有其他版本，好似有：

陈皮系广东嘅特产，用青柑嘅皮晒干之后收好佢，可以摆好耐，越耐越好，而摆得唔够耐嘅就只系叫果皮。广东人煮嘢食好多时都会用陈皮嚟调味，好似煲汤、煲粥、煲红豆沙、蒸海鲜，亦都可以当口立湿。陈皮仲有一个妹架，知唔知佢叫咩名呀？

姜，原产喺南洋热带地方，啲花系黄绿色，根茎有好刺激性嘅香味。姜无论系新鲜定系干，都可以做调味料。买返来生嘅，就叫生姜。泡制过嘅姜，系中药之一，可以冲成姜茶。姜汁亦可以用来整甜品，譬如姜糖、姜汁撞奶，姜汁可乐等等。摆得耐嘅姜就叫老姜，辣味够劲，所以好多人都讲“姜系老嘅辣”。喺广东话入面，姜亦有胆量同勇气嘅意思。例如话人“乜咁够姜呀？”，就系话你好够胆或者系有勇气嘅意思。

稻草喺农业嘅用途有好多，喺以前四围都可以见到，亦畀到人一个平凡嘅印像，所以广东话有句“禾秆冚珍珠”，好嘢冇人知，或者未畀人搵到出嚟，亦有寓意啲有钱人唔晒命，外表就睇唔出佢有钱。“识佢就系宝，唔识佢就系草”亦系另一句讲稻草嘅用处，系话识得用就相当有价值。