“嘟~”
“嘟~老人优惠卡”
“嘟~老人免费卡”
“嘟~老人优惠卡”
“嘟~老人免费卡”
“嘟~老人免费卡”
“嘟~老人优惠卡”
“嘟~老人免费卡”
以上场景，广州大部分打工仔都心领神会。
每次喺上落班高峰期搭巴士，只要一经过比较多老人家居住嘅站点，都会出现N个老人优惠/免费卡连续滴卡嘅情况。
推行老人优惠/免费卡，体现广州对老人嘅关怀。不过最近，小沅子搭巴士返工嘅时候，无意中发现老人卡提示音“消失”咗，变成“叮”一声。
▲图片来源网络
原来系广州公交拟使用“叮”声取代原来嘅“老人优惠卡、免费卡”提示音，目前仲处于试点阶段，成熟后再全面覆盖广州公交。
据报道，此变动系由于目前嘅提示音存在争议，“老人XX卡”嘅声音可能令部分老人感到尴尬，有老人表示“没感到自己老了，这提示音不是催人老么，不合适。”
此举一出，网友有赞有弹，赞成嘅人认为提示音会令上车嘅老人感到尴尬，换成更和谐嘅提示音，体现城市文明进步。
另一方面，有网友认为老年卡嘅叫法并冇贬低老年人，而且提示音可以提醒他人让座，冇必要改动；亦有人担心，一旦改咗提示音，好容易令他人冒用老人卡。
不过此次事件中，比起提示音系咪应该修改，网友们仲讨论起另一个更具争议性嘅问题——
广州应唔应该取消老人免费卡？
▲图片来源网络
众所周知，广州嘅老人卡分两种，一种系年满60周岁不满65周岁嘅老人享受半价坐车，另一种系65周岁以上嘅老人全部免费，两种老人卡均冇时间段限制。
政府为老人提供出行福利，本身系一件便民嘅好事，但有网友则表示老人卡无使用限制，令部分老人早晚高峰选择公共交通出行，无形中加重交通拥挤和管理者嘅负担。
有网友表示，广州老人卡嘅规定本身就有漏洞，对于腿脚不便、出行意愿唔强嘅老人家，出行免费嘅老人卡形同虚设；而且冇监管措施，有人可能将自己嘅免费卡交与他人使用，浪费公共福利。
▲图片来源网络
其实，我哋有冇更好更有效嘅福利制度，既关怀到老人，方便佢哋出行，又减轻公共资源嘅负担呢？
或者可以参考下网友提出嘅改善办法：
1.发放老人津贴
参考城市：上海
2017年6月26日起，上海停止实行70岁以上老人持“敬老卡”免费乘车优惠，改为发放现金补贴。
政策一实施，公交地铁嘅老年乘客明显减少，部分线路甚至急剧下降80%以上。
▲图片来源网络
2.早晚高峰老人卡无优惠
参考城市：成都、南京等
成都城市通卡公司发行的老年卡在非高峰时段乘车，每次乘车扣除免费次数3次，高峰时段内乘车按基本票价9折计费。
▲图片来源网络
3.限制老人卡刷卡次数
参考城市：长春
2016年5月之后，长春市修改政策规定，65周岁以上老年人凭老年证可免费乘坐公交，每年限乘720次，政府给予相应补贴。（原规定为70周岁以上老人，每年限乘360次）
▲图片来源网络
广州系咪应该取消老人卡？
你觉得老人提示音有修改嘅必要吗？
你对现有老人出行福利规定，
有咩改进意见？
最新评论