我系屋企嘅独仔，喺一个典型嘅广州人家长大。
开放二胎政策一出，如果我阿爸阿妈想帮我生个细佬/细妹，我完全可以想象，呢个细佬/细妹将会经历嘅成长过程……
当细佬/细妹做错嘢被打到喊：
我老母：我数三声，你同我收声！
当细佬/细妹问我阿妈佢喺从边度嚟嘅：
我老母：喺垃圾堆入边拣返嚟嘅！
过年当细佬/细妹收完利是：
我老母：乖仔/女，阿妈先帮你收埋，以后买衫交学费！
当细佬/细妹令到我阿妈唔开心时：
我阿妈：死仔/女，生旧叉烧都好过生你啦！
当细佬/细妹考试成绩唔好：
我阿妈：隔离陈师奶个仔读书都唔知几叻！
当细佬/细妹数学点教都唔识：
我妈话：你系咪猪脑嚟噶？！咁样都唔识，死蠢！
当细佬/细妹一次又一次犯错时：
我阿妈：你个扑街仔，次次都系咁，小心我打鸠你！
当细佬/细妹嘈住阿妈想买×××：
我老母：下次帮你买啦，乖……
当细佬/细妹去学校快迟到时：
我阿妈：吊颈都要唞吓气，急乜嘢啧！
当细佬/细妹驳嘴时：
我阿妈：第二样嘢冇见你咁叻，驳嘴你就最叻！
以上情况，如果我在场，我老母一定会：“笑笑笑，净系识笑！你咁大人都唔识睇住细佬/妹？！我真系生咗一堆化骨龙！”
除咗以上情况，仲有↓↓↓
早啲训啦, 晚晚都咁夜训, 听朝返工/返学唔够精神吖！
——阿妈, 太迟啦，就系对眼坏咗先要坐咁埋睇……
——第二日咁快就老？
——带男仔得唔得？
妈：“你个衰仔咁都好意思讲出嚟？我辛辛苦苦煮餐饭畀你哋食，食完仲想唔做嘢！我煮嗰阵又唔见你出嚟帮下手，一日净系识得对住部电脑。冇益噶！鬼咁多辐射，夜晚又夜训，挨埋啲夜你估好得戚咩！仲有呀……（以下省略1000字）”
我：“出街咯。”
妈：“边度街啊？”
我：“同朋友去饮野。”
妈：“边个朋友啊？”
我：“讲你都唔知。”
妈：“你成日唔讲，梗系唔知啦！”
我：“xxx。”
妈：“边个嚟架，边度识噶？”…..
——永远都系无限延长……所以……我应该一开始就唔答佢！！！
——咁你究竟想我点啫?
——阿妈，我饱啦+_+
部分资料来源网络
最新评论