发过猪头：形容一个人发大财

例句：近排，猪肉咁贵，猪肉荣肯定 “发过猪头”喇！

返归执猪屎：没本事的人只好回乡下务农

例句：猪肉荣：“贵入贵卖，冇人买。琴日仲要蚀钱，迟啲可能要“返归执猪屎”喇。

滚水渌猪肠：用热水灼熟猪肠，比喻钱的收入和支出两个方面都少了。

例句：压力大咗，生活真系好似“滚水渌猪肠”噉。

猪胆伴黄连—苦作一堆（苦上加苦）

例句：猪一贵，乜都贵，好似食咗“猪胆伴黄连”噉。

猪仔跌落潲水桶—有饮有食

例句：穷人日日为猪愁，富人就“猪仔跌落潲水桶”，真系同人唔同命，好丑命生成。

藤条焖猪肉：多指长辈用藤条打孩子

例句：有个阿妈因为个仔偷食生猪肉，阿仔差啲食咗餐 “藤条焖猪肉”。

猪狗不如：人格低下，品行极坏。

例句：而家，仲出现好多猪狗不如嘅人，竟然偷猪肉！

猪红煮豆腐，黑白分明：比喻人能够分清是非

例句：就算猪价飞上天，做人都系要猪红煮豆腐，黑白分明。

跪地餼猪乸—睇钱份上：为了求利，低声下气

例句：为钱又好，为肉又好，总系会有人跪地喂猪乸，乜都做得出。

猪乸噍田螺—贪口爽：比喻人说话不负责，只是随便说说而已。

例句：之前阿公落order唔畀养猪，唔够猪食，又鼓励养猪。落order好似“猪乸噍田螺”咁，贪口爽。

阿公靠得住，猪乸识上树：指某个人/集体，靠不住信不过。

例句：头痛医头，脚痛医脚，阿公靠得住，猪乸识上树。

火到猪头烂，钱到公事办：形容钱能通神。办事情都必须用金钱打点贿赂，才能办成。

例句：近几年，阿公都冇咁蒙塞喇，以前？呵！火到猪头烂，钱到公事办，慢慢嚟喇。