喺广州生活咗廿几年，
今日突然间发现，
好多外省人都觉得广州人咩都会食，
会食猫肉老鼠穿山甲，会食鱼鳔猴脑果子狸，
甚至仲会攞婴儿胎盘煲汤饮。
唔单止冇食过，有啲我见到都会作呕，
不可否认部分广东地区中意食野味，
我身边嘅广州人都系食得好普通好正常，
食五谷杂粮，家禽海鲜！
根据《南方人才年度广东地区薪酬调查报告》
2016年广州人平均月薪为6952元，
唔少人见到呢个数据，
都会认为广州人生活水平好好。
（讲！你哋调查系咪3000文以下忽略不计！）
其实广州薪酬水平唔低，
房价相对于其他一线城市更加亲民，
加上广州基础设施比较完善，
广州喺一线城市之中都算宜居！
根据胡润研究院去年曾发布数据，
广州600万资产高净值人群数量到达12.8万，
平均129个人之中有一个600万富豪。
咁即系随便行喺广州街上，都可能遇到一个土豪。
喺广州街头有揸靓车嘅土豪，
都会有逼公交嘅打工仔，
广州系一个包容性好强嘅城市，
无论你系月入两千定月入二十万，
都可以喺度搵到属于自己嘅生活。
好多人以为广州地处南方，
一年气温都未试过零度以下，
冬天肯定唔冻，好似海南岛咁四季宜人！
广州人真系幸福！
广州一年四季随机播放，冇人性啊！
热起身着短袖都觉得热，
冻起身着三条秋裤都打冷震，
仲有不定时到访嘅潮湿天气，
如果其他省份天气系“简易模式”，
广州完全系开启“大师模式”！
比起重庆、四川、上海，
好多人都觉得广州嘅女仔唔够靓，
出街行都唔见有靓女。
其实，广东呢边嘅女性比起外表，
更加注重内在修养，
出街唔会刻意打扮到去饮咁，
不过只要稍微化妆打扮，
广州女仔其实都好索好抢手！
喺好多人眼仲，广州作为一线城市，
夜生活肯定好丰富，
落班就同朋友去酒吧劈酒蒲女、花天酒地，
直到凌晨先返屋企。
广州人以食为天，夜晚好多宵夜档，
好多广州人夜晚出去，都系为咗落街食宵夜，
一餐宵夜足以拯救世界！
有人觉得广州人排外，
广州人唔中意外地人，
中意叫人“捞仔、捞妹、捞佬、捞婆”
听到讲普通话都唔愿意讲多句
广州人唔系歧视外地人，
只系唔中意冇素质嘅人，
无论本地人定外地人，
凡素质低者必定会遭人藐视！
2016年嘅支付年度账单，
广东总支付金额排名全国首位，
人均支付9.7万元。
而广州人人均支付达12.2万元，
远超省平均水平。
所以，广州人都系啲败家仔败家女。
虽然广州人中意买嘢，
不过多数系买又平又靓嘅笋嘢，
咁先对得住自己搵嘅每一蚊！
就好似我哋自己友出品嘅
廣 古 封
派一封利是，講一個故事……
廣古封丁酉年全新設計，每盒包含六款，吉利廣東俚語設計，最啱派利是豪气爽手嘅老世！手機掃描背面二維碼，即刻挑戰【估畫粵語】，今年拜年同兄弟姐一齊鬥智啦！
零售價：￥48文/盒
淘寶購買搜索店鋪【羊記雜貨鋪】
團購或定制請聯繫：020-83195715-805
最新评论