今日高中同学聚会，

本来开开心心，但去到唱K，

我争啲就想攞起个酒樽！

去唱K撞到呢啲人，

多多樽都唔够爆！

1、同一个歌手嘅歌连点几页！！！

（大佬…鬼唔知你钟意谭咏麟咩！）

2、点韩语歌，斋唱入边果几句英文歌词，

成班人陪住佢睇MV…

（唔切对唔住自己！）

3、唱红歌同六七十年代嘅老歌

（究竟系高中同学聚会？定系抗战战友聚会啊！）

4、一首拿手嘅歌，

第一波朋友嚟咗佢唱一次，

又嚟一波朋友佢又唱一次…

（得啦，得啦！知呢唱歌好听啦！）

5、成日优先点自己啲歌

（咁你即系当我死嘎啫…）

6、首歌明明唔识唱，硬系要霸住个麦…

唔切歌，又唔让位！

（我唔知讲咩好咯…）

7、唱得唔系好过人，硬系要加把声入来！

（大佬啊，唔该你和音细声返啲啦！）

8、全程麦霸

（你威晒啦！咩歌都畀你唱好冇？）

如果你真系唱K撞到呢啲人，

唔好爆佢樽！

你应该叫返几支全场最贵嘅酒水同果盘，

然后叫全房人扮去厕所撤场，

剩低嗰几条粉肠

埋单！