最近，我嘅朋友圈、微博热搜

充斥住一群癫狂嘅人，叫做

被垃圾分类逼癫嘅上海人！

大家都知道，

7月份上海开始正式实行垃圾分类，

基本上系全国最恐怖嘅标准同执行力度

结果上海人被垃圾分类搞到就嚟精神分裂！

其实广州一早就实行垃圾分类，

不过系冇上海咁夸张咁严肃

得闲冇事做嘅建六编辑部

就开始畅想，

假如广州嘅垃圾分类好似上海咁严格，

结果将会系……

广州人分分钟仲癫过上海人！

首先每次食饭好似打仗，

不自觉分析啲厨余掉咩垃圾桶！

每日定时接受两次

来自垃圾分类阿姨嘅亲切问候

为咗唔使分类

每个人都宁愿攞垃圾返公司掉

众所周知，广州地铁要安检

所以必须要开通垃圾快速通道

先可以缓解高峰人流压力

为避免员工将垃圾堆积到办公楼，

（众所周知，安检系保证安全嘅有效途径）

各大CBD写字楼将实行垃圾安检

保安轮岗，对来往人员进行开包检查

大包小包，通过过安检门，无一例外

办公室将会成为垃圾分类嘅重要战场

你永远唔知道你因为咩原因入职

广州周边地区

掉垃圾业务随时上线

搭地铁掉垃圾

免除垃圾分类个麻烦！

外母见女婿，咩都唔讲

先考垃圾分类

垃圾分类将打败凑仔、洗碗，

成为引发家庭矛盾、夫妻生活不和谐

嘅第一诱因

当然，我从中都见到商机：

垃圾分类AI

扫一扫鉴别垃圾小程序

同一层楼垃圾分类拼团业务

代处理垃圾分类VIP服务

24小时随时上门专业垃圾分类师

如果广州真系实行

同上海一样标准嘅垃圾分类

请问你哋会点睇？

最后考大家一条送命题

某一日你同同事去建六酒吧街劈酒

你劈到呕，请问：

包住你呕吐物嘅纸巾属于咩垃圾？

干垃圾？湿垃圾？有害垃圾？

本题答案将于明天在评论区公布！