近排，蓝鲸游戏红遍全球，

据闻呢个邪教游戏，近几个月嚟，

已经引发咗一系列嘅自杀案件。

究竟呢个游戏有咩咁吸引？

里面嘅50个任务又系乜？

为咗令各位自己友

安全又愉快体验下呢个游戏

我哋羊城网全体同仁

呕心沥血、捱更抵夜

终于炮制出呢款全新嘅

咸鱼游戏

（其实都系羊城网工作日常）

（试玩玩家：阿咩）

为咗确保阿咩唔会中途退出，

老板已经扣起咗佢三个月工资。

游戏正式开始

早上4点20分起床，

自拍一张素颜照，群发畀所有同事，

确保大家新嘅一日从“反胃”开始。

打开手机收到老板二十几条信息，

全部都系半夜灵感大爆发而出现嘅idea。

例牌，最后一句系：你踱一踱佢，返到公司我哋讨论下。

于是，唔理三七九十一

阿咩全部丢晒畀阿爆（公司食物链底层人员），

要求佢上班前交。

到公司后，阿咩先用15分钟时间，

简单梳理一日工作计划

然后同样喺微信发一次文字信息、一次语音说明畀老板，

令老板知道，佢嘅员工一早就开始做紧嘢。

老世返到公司，

阿咩上交阿爆做个策划案，

老世睇完，觉得冇乜料到，

决定放弃，于是阿爆晨七咁早就白做。

中午公司叫外卖，七餸一汤，

阿爆约阿咩一齐睇午夜凶铃送饭。

务求令阿咩食唔落饭，

独吞七餸。

下午开始阿咩满足老板各种要求：

如：陪老板练拳击、玩剑术、打机。

遍体鳞伤之后，

被各种干（傻）爹（X）爸（客）爸（户）

要求改稿，由第一稿改到廿三稿，

最终都系用返第一稿。

即将落班之际，

老板突然畀话帮佢修改份PPT，

第二朝就要用，OT通宵都要搞掂佢！

所有同事全部走晒，

独自一人喺公司，阴风阵阵！

连厕所都唔敢去，膀胱几乎涨裂！

半夜12点，完成工作，畀老板过目。

老板话：畀错咗PPT，呢份至啱，你再帮我改改啦！

无奈之下，继续加班。

发个朋友圈激励下自己：

但估唔到阿爆竟然……

想知道更多

羊城网嘅日（丧）常（爆）

请联系

羊城网 阿爆