唔知各位老友有冇呢种感觉
亲戚群系个宝藏群
越挖越有趣！
群里面全部都系
“睇个标题就知佢呃鬼食豆腐”嘅文章
唔拖出嚟鞭尸一次
难以平复我心情
少啲感叹号都对唔住嗰标题
啲标题好鬼死锺意加
死人冧楼冧屋嘅词
唔严重都唔用啊
你话啊，
唔加啲冲上云霄穿过宇宙中心嘅感叹号
点够符合佢嘅style
刚刚！！！
▲央视：律师函警告！
重磅！！
快转发！
系我我就写：
刚刚！央视终于出手！下个月这件大快人心事要出现！快转发给自己的亲朋好友！
唔喊唔系中国人
你老窦老母最爱嘅
疼痛悔恨鸡汤文学
家庭常备，睇到立即轰炸你
食盐多过你行桥嘅长辈
唔喊唔够猛
一喊终身受用
父母痛哭！
看哭无数人
看哭了！
▲恨不得天天泪洒珠江
▲好喇，哭咗
新规永远出现，睇咗永远冇用
重磅新规，
每个月月底肯定出现嘅文章，
睇落好似几重要，
其实90%都系学历教育广告…….
只有你唔知，只有你睇嘅朋友圈秘籍
依类标题有个醒目嘅括号提醒你
“执输行头惨过败家啊”
个个都睇紧
就你昂鸠唔睇
（睇咗就昂鸠喇）
（传遍女人圈）
（深度好文）
（内附XXX）
▲长命百岁？真系有人会信嚟啲嘢？
名人每日讲紧啲自己都未听过嘅话
名人决定唔到嘅两件事：
一系生死
二系自己到底讲咗啲咩啊
鲁迅一个典型嘅例子
佢生活在民国
但系识玩吃鸡
佢连手机都未见过
但精通所有网络用语
喺学生需要时随时出现嘅
薛定谔名人
▲金星：拿我过桥，仲要讲埋嗮啲烂鸡汤？
学完合并同类项后嘅后遗症
学好数理化，走遍天下都唔怕！
数学同类项学得好，灵感文章点都有！
边到嚟咁多集合？？
X句话！
X件小事！
反骨起身仲犀利过朱丽叶罗密欧
有种文章
真系唔反骨都唔得！
系都要用“必看”嚟逼我
唔发火当我hello Kitty
睇咩睇，睇你条命啊？
男人必看
▲唔睇会变太监啊？
女人必看
▲哦。唔睇
父母必看
走喇冇人想拦着你
“对不起,我要去XXX”
这一系列唔知点解就好hit
冇呢种文章都唔好意思话自己系公众号
明面上失望伤心，
暗地里明目张胆嗮命！
▲从字里行间感受到溢出嚟嘅彩虹屁喇！
除咗以上嘅标题，
做好事不留名嘅网友
仲同我哋总结咗其他关键词：
日日畀标题党、震惊党毒害嘅自己友，
快啲转呢篇文章去亲戚群喇，
感受下长辈“爱嘅教育”
仲有咩标题系你劲憎劲讨厌嘎?
喺留言区尽情发泄下喇！
最新评论