依嗰星期日就系母亲节啵，

有冇准备咩礼物送畀阿妈啊？

返屋企饮碗妈子靓汤，

阿妈就会好开心喇~

经过我科学而严谨嘅研究，

通过分析大数据，

（并没有）

我发现广东阿妈真系好锺意口不对心，

睇睇你哋同我系唔系同道中人？

唔知你哋有冇试过，送阿妈礼物时，

佢哋都会嫌三嫌四，唔系话贵就系闹你钱多过头。

但礼物送到佢手上，佢对你扮唔屑，

转头就“唔觉意”喺朋友圈、同街坊倾闲计时，

show新礼物。

其实呢，就算你买樖葱阿妈都会好锺意！

冇人可以拒绝自拍嘅吸引，

亦都冇人可以逃避美颜相机嘅诱惑！

傲娇嘅阿妈表面上十分抗拒、

坚决唔同后生“同流合污”，

实际上就希望自己啲仔女快速P图，

做姊妹中最瘦最白最年轻嘅辣妈~

得闲约朋友仔嘅时候，出门前阿妈都会闹句

“成日出去躝街，一啲都唔黐家！”

但系轮到佢出街了喔

微信通知声就同班姊妹出去蒲几嗰星期

跟住叫我自己执生

阿妈最讨厌嘅、必定会闹我哋嘅嘢，就系食零食！

无论几耐食一次，只要食就系死罪。

但系买咗返去，食得最多嘅通常又系佢

你仲要冇得抗议

我哋：阴功、弱小、想反抗

攞命话题之首：我觉得我肥咗吖

你阿妈可以讲自己肥咗

但系你绝对唔可以讲！

而且阿妈只系想听到标准答案——你赞佢

阿妈日日都会闹你食零食热气，睇手机坏眼

并且加多句，病咗唔好搵佢！

但其实我哋有咩冬瓜豆腐，佢都紧张到咩咁

又煲粥又买药

从小到大，阿妈嘅银包好似好犀利

我哋嘅衫鞋永远都系全家最好嘅

但系阿妈嘅衣柜嚟嚟去去都系嗰啲衫

其实我哋都心痛阿妈对自己咁悭

天下间，所有阿妈最口不对心嘅就系呢样

返咗屋企日日睇我哋唔顺眼

走咗又时时挂住我哋

可能唔单止广东嘅阿妈傲娇

可能全中国嘅阿妈都系甘

一个人做嗮老师、保安、厨师、保姆等等嘅角色

畀足我哋所有嘅爱

可能因为我哋嘅文化冇教我哋如何讲爱

我哋同阿妈都唔识点样表达

母亲节就快到喇

“我爱你”可能讲唔出

但系多赞下阿妈

即使系一句：今晚啲菜好掂啵！

祝全宇宙最可爱嘅老妈子们：

母亲节快乐，永远十八岁！