每一个德艺双馨嘅老司机，

都经历过一段不堪回首嘅过去。

冇错，就系

考驾照！

学车就锻炼你三样嘢

驾驶能力

防晒霜度数

同心理抗压能力

以前我觉得，做人最紧要系开心！

考驾照嘅时候，我觉得

做人最紧要就系教练开心！

真正嘅纯天然烂gag王都喺驾校训练场！

每个驾校教练都系上一世折翼嘅段子手！

半坡起步离合放多咗，

一开始直接开咗落去，

我教练嚟咗句：

“依家叫你半坡起步啊！

唔系半坡走佬！”

我嘅人生陷入一片迷茫，

企喺人生嘅十字路口，

我唔知道应该何去何从

……

“你未入档，部车点向前行啊！”

第一次上路之后，

教练语重心长同我讲一句：

“唔系讲笑，我喺后视镜挂嚿肉，

我屋企只狗都开得好过你！”

开得快，教练会话：

“开咁快，你依家赶住去医院生仔啊！”

开得慢，教练又会话：

“开咁慢，你依家迪士尼花车巡游啊！”

我教练嘅一句名言：

“每次见到你哋班人开车，

都觉得自己喺杀手训练学校上班！”

“红灯你又唔行，绿灯你又唔郁，

依家冇你中意嘅颜色啊！”

“有冇睇到有个踩单车嘅细路？”

我以为教练叫我避开行人，

主动放慢车速，

结果教练哭笑不得：

“我系话佢开得都快过你，超埋你车啦！”

“你屋企系咪捞偏噶？”

“唔系，我系正当人家！”

“咁仲唔刹车，谂住撞个交警啊！”

有个朋友倒库，

点都倒唔入，

最后教练忍无可忍讲：

“你同我落车，我哋一齐搬过去！”

“你开车放松啲啦，

依家又唔系抢劫完着草！”

考咗四次科目二，两次科目三，

终于攞到驾照，教练同我讲：

“以后保持联系，

你买车记得发个车牌号畀我，

我睇到即刻兜路行！”

各位自己友，

你哋学车有咩搞笑经历？

你同教练有咩爱恨情仇？