话咁快又到妇女节啦~

你哋留意紧各大电商降价促销嘅时候

我！建六编辑部嘅慧眼代表！

梗系关注返节日本身啦！！！

（冇钱就冇钱啦，咁多嘢讲！）

喺呢一个呼吁大家关注女性嘅日子

唔知大家有冇谂起

我哋本地嘅首席女子天团？

佢哋就系——

冇错！讲嘅就系广东阿妈！

佢哋唔单止煮饭凑仔搵银样样叻

而且身怀绝技，令人心惊！

因为根据不知名人透露：

“广东阿妈一出声，全部人都要收嗲！”

咩话？你唔知？你唔信？

咁就欢迎收睇今日嘅特别节目：

妇女节特辑之

《科学剖析广东阿妈嘅十大行为逻辑》！

无论系新定旧，贵定平

只要阻住母后，一于揼鬼晒佢！

✎揼：把东西丢掉。

所以，在座各位

冇咩事，千祈咪阻住阿妈条路

万一你唔系亲生嘅，就……

为咗维持家庭和谐

以后买嘢返嚟记得同阿妈报备啊！

虽然有可能报备咗佢依然都会唔记得

唔好问我点解知道

毕竟你要明白

广东阿妈自有一套计量体系

当你嘅胃容量

同阿妈期望值出现偏差嘅时候——

我饮奶茶最多都系L杯喈

又唔系义结金兰、桃园三兄弟、

东方不败饮酒咁！！

基于呢种逻辑，日后可能仲会出现：

木棉花？煲！

西瓜皮？煲！

榴莲壳？煲！ 

蝎子？煲！ 

反正阿妈煲嘅汤

你干晒佢就系啦！饮胜！

只有你赞过一次阿妈嘅番茄炒蛋好食

接落嚟嘅呢一个月，你将会喺

屋企餐枱、带返工嘅饭盒、雪柜保鲜盒

一直见到佢

成年人！

要对自己讲过嘅嘢负责任！

话广州地铁安检太麻烦嘅嗰啲朋友

你问过阿妈意见未？

冇错，以上嘅阿妈语录

可以喺一个钟之内无缝切换！

母亲大人，冤枉啊！！

我嘅“垃圾”，有佢自己嘅想法

你点解要喐佢呢……

假如以上逻辑你都挑机成功

广东阿妈都仲有佢嘅终极武器！

记住！

想喺一个家庭入面平平安安咁生存

避免多余嘅冷战热战核战暴乱战

一定要以阿妈嘅说话为最高思想指导！

系所有行动嘅本质依归！

妈子最好！

妈子啱晒！！

妈子永远是对的！！！

虽然有时候阿妈嘅逻辑

搞到我哋嘴都O埋

不过谂深一层

阿妈嘅出发点都系为咗我哋好喈~

今日就系3·8妇女节啦

大家疯狂扫货买嘢嘅同时

记得好好氹下屋企嗰位女王呀~

各位自己友

以上嘅十大逻辑你见识过边啲？

你仲知道边啲“阿妈神逻辑”？

欢迎喺评论区分享！