如果话婚姻系爱情嘅坟墓
咁礼金就系帛金
婚纱就系寿衣
婚礼司仪就系丧礼支持
比起前度踩场、收到人情少
更令人无奈嘅系
遇到一个黐线风格嘅婚礼司仪。
最近有网友征集咗
「一人一个婚礼司仪黐咗线嘅一刻」
睇完评论区之后，我终于体会到
究竟一个好嘅司仪有几重要啦！
当一个司仪帮自己加戏，
有几恐怖？
司仪系一男一女外面请冇人识
无啦啦去到中间，
男司仪话个女司仪今日生日
要全世界陪佢唱生日歌畀惊喜个女司仪
司仪讲讲下嘢讲到喊晒
然后话原来个新娘系佢锺意咗好多年嘅女神,
然后无啦啦大叫咩哈利路亚
司仪讲讲下嘢话“咁高兴不如唱返我首歌”
跟住冇啦啦唱返自己作词作曲嗰首歌
新人同家人亲戚朋友影相
影影吓，个司仪嗌：
「依家有请司仪上台影相！」
然后自己冲上台合影
有啲司仪，你唔出声
冇人话你哑㗎！
切蛋糕嘅时候
司仪:「我哋祝对新人由头切到尾」
婚宴完嘅时候
司仪:「我哋下次再见」
千祈唔好搵一个锺意讲烂gag嘅司仪
司仪:
「新郎都冇得食新娘只猪，
大家就有得食乳猪」
司仪:
「我叫 Martin 佢叫 Candy，
所以我哋系MC」
司仪:
「新郎依家可以揭起新娘嘅婚纱」
司仪:
「我哋一齐睇返一对新人生前嘅片段」
新娘有朋友系黑人，
个黑人带咗个华人女朋友去婚宴
玩游戏嗰时咁啱邀请咗佢哋上台
之后倾下偈自我介绍时，司仪爆咗句:
「家乡有句俗语
Once you go black, you never go back」
亲戚系茶楼摆咗十几围
有个驻场大婶司仪：
「虽然今晚围数唔多，
但我哋都用最热烈嘅掌声欢迎一对新人」
试过个司仪叫:
「有请女家外母慈云阁嘅邻居」
外母住慈云山啲屋村，
但系慈云阁系放骨灰果啲寺庙
司仪:
「恭喜一对新人走上呢条不归路
………er……..幸福之路!!」
你系咪以为上面已经算系极品
最后呢两位网友先系全场最佳——
人哋嘅婚礼系爱情片，
而我嘅婚礼系伦理片！
顶佢个肺，个司仪玩到无嘢好玩，
无啦啦叫我老窦咀我老婆个老母，
下面班仆街仲大大声叫咀佢！咀佢！
搞到我外父同我老母黑晒面 !!!
咁问题嚟啦，
新郎阿妈同新娘老窦当时系咩感受？
我谂应该系↓
试过去饮，新郎新娘多谢完四大父母之后
司仪话: 「多谢完就要有啲表示啦，
我哋依家请新郎新娘向父母三鞠躬致谢」
新郎新娘又真系照做，四大父母块面黑到……
睇完呢篇文章，
相信大家都会睇破红尘，唔会想结婚！
（当然，你都冇对象可以结婚！）
各位自己友，
你参加过最奇葩嘅婚礼系点？
你喺婚礼上遇上最搞笑嘅嘢系？
最新评论