根据无数人嘅生活经验
曾经有人总结出一个真理：
当人用眼睛睇文字嘅时候
脑海里面会有一把不知名嘅声
将呢啲文字读出嚟！
比如下面呢张图
睇到字幕你就可以脑补出家英哥把声！
但系，当呢个真理遇到粤语嘅时候
就唔系咁讲法啦！
当你睇到某啲文字嘅时候
脑海里面嘅嗰把声就会失去控制
读唔正呢啲粤语句子！
比如下面呢啲文字
每当我见到
都会不由自主谂起讲话语气同画面
永远冇办法用正音读得准
（我睇下你可以坚持几多个）
著名嘅思想哲学家黄子华先生嘅著名人生理论之二，以简洁语言总结出嚟嘅人生格言，读起身自带蔑视世间万物嘅霸道语气！
超级无敌马拉松嘅王者！（奖门人玩嘅词语接龙啊~）
呢句话唔单止胜在字数够多，仲有充满乡村韵味嘅口音，可以调剂长文字带嚟嘅枯燥感！唔吓死你都笑死你（啲对手）！
（点击视频，感受一下呢句嘢嘅洗脑杀伤力！）
只要配上合适角度嘅白眼、恰到好处嘅停顿同埋微微上升嘅尾音，简简单单嘅一句说话即时成为洗脑神器！
（点击陈豪，即可跳转到《夸世代》表情特辑！）
“治婊专家”Mike Sir所提出嘅感叹用语，无论边个讲呢句嘢，都会不自觉带上山寨欧美腔，系国际化嘅喷人招式。
睇上去只系简单嘅一串数字，但系只要你听过呢首《数字人生》，你一定会用带有经典港乐节奏感嘅语气读出嚟！
至于点解，依家仍然系不解嘅声乐之谜……
简单六字但铿锵有力，读起身可以想象出说话者狰狞嘅面目、漫天飞舞嘅口水花，系一段充满激情与愤怒嘅经典“语音”之作！
只要把握好节奏，掌握好停顿嘅点，你就彷如穿越到唐伯虎身边，同佢一齐烧鸡翼啦……
丽妃娘娘打人一巴之后嘅内心剖白，再问点解会自带语音嘅话，就真系蠢钝如猪啦！
呢首从第一集播到大结局、从片头播到片尾嘅《越难越爱》，成功通过单曲循环嘅方式洗脑各位观众，几乎人人都哼得出旋律！
一句至理名言，奇哥用少许沧桑而又自傲嘅语气讲出嚟，足够令人忽略佢嗰带有独特地方气息嘅声线，难以忘却！
自从睇过大嫂吴君如喺戏入面嘅卡拉OK大控诉之后，阿瓜见到呢句歌词只能够跟住她凄厉嘅声线唱咗出嚟……
虽然唔知点解作词嘅人要创作呢种自损式嘅歌词，但佢流畅嘅节奏、趣味嘅氛围，总系令人不自觉继续唱落去……
而喺脑内“播放”次数最多
最洗脑嘅莫过于
粤菜特级厨师·金句生产机·最励志单亲妈妈·我女神
——李彩娇女士！
（未听过最后一句就点击视频，一次洗脑，一步到位！）
你以为粤菜天后李彩娇净系识得整姜葱鸡？其实佢仲有特级嘅语音洗脑技能！
只要睇过娇姐表演，佢就可以固化你对呢啲文字嘅印象！从未失过手！
咁多句读落嚟，
你系咪开始怀疑自己？
脑海中系咪自动循环播放呢啲“语音”？
如果你觉得呢啲算系小儿科
不妨睇埋呢段终极大boss——
生仔未必就系福
要娶新抱要分屋
老屋飞入外来雁
鸡同鸭讲眼碌碌，眼碌碌~
公公婆婆坐客堂
望得俺们心发慌
大红花轿I LOVE YOU
最怕日日要煲靓汤，要煲靓汤~
南腔北调一锅粥
我诈傻扮懵够醒目
为求家和万事兴
哪怕乌龟头缩缩，头缩缩~
（你坚持到第几句先唱出嚟呀？）
各位自己友
你觉得仲有边句粤语自带音效？
你仲知道边啲永远读唔正嘅句子？
欢迎分享出嚟考下大家！
最新评论