如果广东可以顺利入冬，

我哋就直播食字典！

然而，到咗今年，

我哋再都唔敢立flag，

因为广东嘅天气唔知道发咩神经，

依家先十月上旬，

竟然入秋了

入秋了

秋了

了

前两日，天气预报就话

星期三有冷空气！

作为一个资深广东人

我本身对此表示不屑一顾

边个都知道广东都冇秋天啦

（而且天气预报成日甩拖……）

广东降温入秋起码系十一月之后嘅事

然后我就大摇大摆着住短衫短裤返工

早上入公司门口仲系咁

下午从公司出嚟

突然怀疑自己去咗哈尔滨……

然后，我打开手机一睇——

十月嘅广州气温竟然去1字头

我真系喺广州？！

我真系喺广州？！

我真系喺广州？！

唔系话广东冇秋天咩

明明上一年嘅天气系咁——

今年10月点解冻成咁

平时天气预报又唔见你咁准

点解今次咁鬼准！

从公司返屋企嘅路上

我觉得我系一条人型移动雪条咯

琴晚系我半年以来第一晚冇开空调瞓觉

我觉得我仲可以考虑下

买返件外套尊重下广州嘅秋天

虽然外面系降温，

但我嘅朋友圈依然热闹异常。

因为冷空气到来，

广东段子手又再一次出没……

今日微博话，央视主持又爆金句，

“穿上秋衣秋裤，是对降温起码的尊重”

我觉得真正嘅段子手

系我朋友圈班咸鱼咯！

平时个个唔出声，

一有风吹草动就蒲头！

而且网上一堆广东人争论紧，

今日出门应该着短袖定长袖！

▲图片来自南方都市报

虽然广东呢几日成功入秋

但各位都唔好即刻收埋啲夏天衫

鬼知广东天气会不会听日就升温

广东天气有几反复无常，

广东人都深有体会！

反正冇畀佢玩死真系算广东人命硬！

比如一年四分之三时间可以着短袖

衣柜只需常备冬天衫同夏天衫

春秋天嘅衫，唔存在噶！

一日变换十几种天气

落雨-多云-晴天-暴雨-出太阳-阴天

善变你阿妈同你女朋友

反正只有你估唔到，冇佢做唔到！

一系就12月都入冬失败

人哋着羽绒，我哋着短袖

秋装可以从9月放到第二年春天

一系就一夜入冬，教你做人嘅道理

瞬间骤降十几二十度

令你一日之内经历冰火两重天！

广东犀利到连台风都绕道而行！

所以广东人咁坚毅不屈，处变不惊

都系因为广东天气好变态！

（加上我哋穷）

各位自己友，你今日着短袖定长袖？

你又储够钱买衫过冬未呢？

听讲仲有两三波冷空气，你准备点应对？

最后，我想代表全体广州人问下个天：

……

……

……