几日前，
网络上一个叫“华农兄弟”嘅UP主
因为搵好多理由去食竹鼠，
例如：中暑嘅、生得靓嘅、
打交受咗内伤、食得多嘅竹鼠
而红遍各大网络……
冇错，就系呢只鼠↓↓↓
无独有偶，台风山竹过后，
因为一只龟
令广东人上咗热搜
到底系咩回事？
原来系因为喺台风山竹嘅影响下
网友@汤小包包 大雨期间喺自己屋企
附近嘅排灌站里面执到一只乌龟
本住人道主义精神，
佢救咗只乌龟并且发朋友圈道：人龟平安
但估唔到嘅系
过咗一晚之后佢再次更新朋友圈竟然系：
炖汤了
汤了
了
……
前脚话龟小可爱，仲要朋友帮手起名
后脚就煮咗嚟食
确实正如佢自己所讲
“我是一个没感情的广东人”
（虽然最后澄清咗其实系开玩笑，
龟龟仲系好安全）
但不由得令我哋建六编辑部谂起
咁多年以嚟
见识过嘅种种“冇感情”嘅广东人行为
唔好狡辩啊，99%嘅广东人都中过
当广东人遇上福建人
民以食为天
作为外界眼中咩都食嘅广东人
大家都好担心“胡”建人嘅人身安全
但我可以好郑重咁同大家讲！
点可以唔食福建人？！
我哋真系唔食！
佢哋喺我哋眼中系咁嘅：
我哋只不过系识得分析
人体结构学得好啫
点解你哋要咁样误解我哋？
边个部位嘅肉最好食你以为我哋唔知咩？
当广东人遇上蛇虫鼠蚁
面对各类危害环境嘅害虫
好多人都会特别担心佢哋会唔会破坏环境
但我哋就唔同喇！
我哋担心嘅系
我哋可以点样食先可以发挥佢嘅本质！
作为广东人
除咗shit，我哋有咩唔敢食？
我哋嘅目标系！
食到佢哋绝种！
当广东人遇上宠物猫
其实每一个广东人都特别有爱心嘅
我哋平时要观察身边同胞嘅身体健康
分析肌肉成分
啊，唔系
系鍾意养下小动物啊
好似啲龟啊之类嘅
（我哋至鍾意热气嘅时候食翻盅龟苓膏）
小沅子最近养咗只猫
佢嘅朋友见到只猫之后
第一时间就话要捉条蛇斩只鸡
做一个龙虎凤
啊，唔系，攞错图，
系帮佢只猫加餐
当广东人遇上木棉花
广州有个别名叫花城
而木棉又作为市花
所以有好多外省朋友仔嚟到广州
都可以睇到成行成市
开到成街都系嘅木棉花
人哋嚟旅游觉得成地木棉花好可惜
但系广东阿妈眼中：
人人都知广东阿妈至悭家
所以我哋阿妈又点会放过佢哋！
讲错咗讲错咗
系物尽其用
可以死喺广东阿妈手上
都算死得其所喇！
当广东人遇上明星
其实我哋都成日关注啲大陆明星新闻噶
前排唔系有个咩歆艺离婚又结婚咩
好似啲咩歆艺、艺谋、艺馨、馨予、予曦、雨绮、雨馨、雨鑫、伯鑫、馨月、辛苑、涵予、含韵、韶涵、晓涵、晓雪、筱雨、梓琳、嘉译……
我哋听到嘅反应系
边鬼个嚟噶？
其实唔止东哥脸盲
因为我哋广东人分分钟连人名都分唔清
生活喺台风经常光顾嘅广东
刮风落大暴雨已经系常事
正所谓淡淡定定有钱剩
务实简直就系出咗名咖
当广东人遇上水浸
我哋唔关心到底水位到边个位置
唔担心出门要唔要撑艇
我哋担心嘅系
去到茶楼仲有冇位
无论打风落雨，
都依然阻挡唔到广东人嘅一颗
要去饮茶嘅心
当广东人又遇上水浸
如果真系咁好彩遇着水浸
天生客观毫无感情嘅广东人
都会揦高裤脚
试下有冇可能捞到鱼
（你唔会以为我会讲直接走人啊嘛？）
对待食物，我哋嘅态度从来都系
抱住对食物最崇高嘅感情
无论系路过嘅山竹，
定系误入禁地嘅走鬼鱼！
我哋都会令佢哋死得其所
（一律杀无赦！）
当广东人遇上台风
喺台风施虐广东嘅当晚
个个外地朋友都为我哋祈祷
但我哋嘅心中一向从一而终
每每到此时此刻我哋都会祈祷：
就系希望李氏力场可以远离我哋
祈求听日唔使返工
当广东人遇上土豪
讲到冇感情
广东人似乎对钱确实系冇咩感情
（梗系啦！反正你同我都冇！）
所以好少会见到穿金戴银嘅土豪
喺街边游游荡荡
毕竟北方嘅好多大老世都着到成身金
慌死人哋唔知佢有钱咁
（系啊，我就系眼红啊）
而广东人就唔同啦
好似我哋隔离公司咁
全公司最有钱
系个家住猎德手握五套房嘅扫地阿姨
有啲嘢，整定嘅
当广东人遇上老世
人哋嘅企业文化做得好好
老世出动就一呼百应
我哋就唔同啦
我哋有一个Nice嘅老世
一话开会
冇人应佢
相反
当佢每逢下午三点三
请大家食下午茶嘅时候——
每到呢个时候，
我都觉得我哋公司特别有感情
（对下午茶嘅感情）
其实广东人并非全无感情嘅冷血动物
佢哋有时都会表露自己嘅感情，比如——
见到雪嘅时候
（你睇佢哋笑得几开心！）
最后，作为一个广东人，
我再次声明
广东人执到乌龟系唔会攞嚟煲汤嘅！
（仲会攞嚟做龟苓膏）
不过广东人讲到食
其实最叻嘅都系——
食自己
自己
己
（鬼叫你穷啊顶硬上）
各位自己友
你哋觉得自己
系唔系一个冇感情嘅广东人？
你哋觉得自己嘅感情体现喺边度？
你做过最有感情嘅事系咩事？
快啲留言话畀大家知
我哋都唔系冇感情嘅广东人啦！
本节目由
即将被捉去食嘅吖鸭
舍命播出
最新评论