上个周末，

小沅子我难得可以脱离阿咩嘅魔掌，

唔使加班，返咗屋企，

准备感受下久违嘅家庭温暖。

返屋企第一日，

我阿妈仲各种嘘寒问暖、非常关心我。

点知，到咗第二日，

我阿妈嘅态度就发生180°嘅转变

我感受嘅温暖就瞬间变成恶意……

咁系因为，

我哋一返屋企超过24小时

我哋嘅隐藏功能就会被启动

——

我系一个

全屋衰嘢都关我事嘅万能理由！

无论屋企发生咩衰嘢，

阿妈随时可以入我数！

首先，我最大嘅原罪就系

生头发！

每次我一返屋企，

阿妈一搞卫生扫头发嘅时候，

只要扫到一堆头发，就会讲——

有头发，边个想甩头发！

阿妈，你自己都生头发，

点解甩嘅一定系我啲头发！

最离谱嗰次系，

小区下水道堵塞搞到要停水，

阿妈即刻就话——

讲下道理好喔，娘亲，

虽然我到咗中年脱发嘅年纪，

但我冇理由甩头发甩到堵塞下水道，

你估我饮霸王长大咩！

喺我阿妈眼中，

我返屋企之前，家中一切电器都系正常，

但自从我返嚟之后，

只有某一样电器神神哋，佢就……

灯胆坏咗入我数，

断网又入我数，

就连街灯闪两下都关我事，

总之系我掂咩就坏咩，

千错万错都系因为我返屋企！

究竟系啲家电集体碰瓷啊，

定系我根本系垃圾桶执返嚟啊！

每次放假返屋企，

阿妈每次讲嘢我都惊，

因为每次矛头都隐隐指向我：

阿妈，你唔系以为连屋企嘅曱甴

都系我从出边带返嚟啊？？！！

总之，阿妈嘅潜台词就系一句话——

每次我一返屋企，

身上都会孭住好几条重罪，

其中一条就系浪费资源嘅蛀米大虫！

比如话

月尾出电费嘅时候：

冲凉冲耐少少，

或者换洗嘅衫比较多嘅时候：

食饭嘅时候，食唔晒啲餸或者饭：

我阿妈好似觉得，屋企多我一个人，

一个月要多使几十万，

阿妈，我哋屋企又唔系非洲贫民，

使唔使咁悭啊！

最记得有一次，啱好厕所冇厕纸

我去开卷新厕纸，都可以畀人话……

我：……emmm

乜厕纸你同老窦冇份用咩？！

有时候，我咩都冇做，

依然畀阿妈队一刀。

比如有一次，阿妈洗碗打烂碗，

我啱好经过厨房，阿妈即刻话：

虽然睇起身，阿妈好似唔讲道理，

但我从中感受到阿妈对我嘅重视，

我喺屋企非常重要嘅地位。

作为一个屋企衰嘢嘅万能借口，

我存在嘅意义就系为我阿妈

排忧解难，发泄压力，讲出不满，

令佢每日过得开开心心！

讲系咁讲姐，但我依然

都系怀疑自己系咪亲生，

所以我嘅亲生父母究竟系边……

各位自己友，

你又系咪屋企嘅万能卸膊理由？

每次返屋企，你阿妈有咩队你嘅口头禅？

留言话畀我哋知啦！