相信大家琴晚有睇公众号都知道，

微信公众号留言区又默默上线咗

“朋友留言”功能！

自从呢个功能突然出现，

小沅子周围嘅人产生咗两种睇法——

第一种↓

第二种↓

冇错，呢个真系堪称微信有史以来

最无聊又最鸡叻嘅功能！

一旦见到好友留言，

想同公众号倾述嘅嘢都畀人睇晒，

仲要增加无效社交！

甚至有人做过调查，

超过六成人都唔中意呢个功能！

真系好哋哋留言唔得嘅，

系都要搞啲咁嘅嘢！

可能因为全民讽刺，

今日下午微信就静鸡鸡关咗个新功能！

恢复返原来嘅界面！

▲图片来源于南方都市报

当我哋开心到想开香槟庆祝嘅时候，

然而就系啱啱，突然朋友留言又上线咗……

张小龙，又开又关有意思咩！

依家好好玩啊！

微信要推出新功能，我哋系支持，

但系朋友留言真系冇撚用！

你真系想为用户着想，

不如研发下边呢个功能啦↓

讲真，依家微信令人最厌恶嘅，

唔系唔够社交，

而系过分社交，仲有一堆无效社交！

建六编辑部最撚憎行为之首，

就系啲人系咪系都发语音！

首先，

明明打十几个字可以讲完嘅嘢，

下下都要发条几十秒语音！

我边鬼有咁多时间听你讲废话啊！

仲有，你本人接受过

九年义务教育同三年高中教育，

你小学冇学过缩句咩，

唔知道点用文字表达思想啊！

仲有，重要嘅嘢唔该用文字写啦，

你知唔知我每次要

从一堆语音搵一条聊天记录

有几烦啊！

最仆街嘅系连续发几条语音

每次一见到呢种人，我就好想——

所以我哋最需要嘅功能

唔系好友留言，而系

“一键屏蔽语音”+“一键拒收语音”

遇到啲成日发语音嘅仆街，

我可以直接一键屏蔽——

当有人想对我发语音，

佢就会收到我嘅默认回应——

世界瞬间就清净晒！

化解人与人之间嘅戾气！

一个字，爽！

除咗屏蔽语音，

编辑部班友开咗啲脑洞，

希望微信团队早日采纳！

1.微信群发红包排行榜

（踢晒啲唔发红包嘅孤寒鬼）

2.自动回复父母的留言和推送

（帮我回复父母啲无聊推文）

3.jpg一键转换表情包

（唔使我下下保存再导入）

…………

各位自己友，

你哋最想微信推出咩功能？