上下班逼巴士真系好痛苦

每日嘅高峰期

过咗高峰期

但系用心留意

司机，乘客其实都系日常嘅段子手。

我嗰日早上搭31号车，有两个阿婆坐喺我后面，全程都喺度讲248嘅司机好衰，个个都系甘衰，唔停车等佢哋，话24同248嘅司机都系咁。。。其中听到有一段系话佢哋坐24去白云山，等红灯嘅时候，另一部24停喺隔离，两个司机嘅对白系：”哇，你部车今日咁多神主牌嘅？”

有次落班我坐307，好多人好逼，关门嗰时，后门有个女人大嗌：“啊，我只脚！”司机就开翻门?又听到另一个女人大嗌：”啊，我只手！”于是司机又开翻门，又关翻，跟住又听到一个女仔好细声讲：”啊，我个头！”

有次搭的士，喺麓景路嗰边（嗰头好多外籍人士做生意），当时都几夜了。 个司机大佬可能赶住交班啦，踩住个油门喺咁去。转完个靓弯之后，前边有个用黑纱蒙头蒙面（净低对眼无蒙），全身都系黑衫嘅中东女人横穿过马路！司机大佬突然嚟个急刹，然后伸个头出车窗大声嗌：“好心你夜晚就米出街啦！人都够黑了，仲要全身着晒黑色！条路又冇灯！睇鬼到你咩！”

搭227，有个站特别多人落车，终于等到关车门，但系仲有个人未落：”司机等等，有落啊！” 司机好唔耐烦：”咁嚤嘅你？拆螺丝啊？想攞埋张凳走啊？” 哩个司机大佬真系幽默！

有次遇到个好阳光嘅司机，手车开得好快，车就快到站，有人上有人落，个司机劲好心情咁大叫：”快上，快落，快快乐乐。”然后又好好心情咁继续开快车！

坐197上班，日日喺客村立交嗰个站上都会好多人嘅，简直就系逼爆车，啲人成日都喺前门递钱畀司机，讲：”司机，开下后门啦，后门上。” 司机一句就话：”上上上，上车顶啦笨！”

喺迎宾馆，喺落班时间搭车，好多人，已经刷咗卡，但部车真系逼到上唔到人，个司机就同我讲：“你跑十几廿米去前面等等我！”跟住司机关车门，向前开咗十几米嚟个急刹，跟住开咗个后门叫我上车!哗，真系有位喔！

坐248啱啱上车仲未扶稳，唔小心失咗重心坐咗落个阿婆度，阿婆大嗌：“后生仔，有冇搞错啊！”我起翻身，讲声唔好意思。司机又转弯，我又坐咗落个阿婆度，阿婆大嗌：“靓仔，搏够懵抽够水未啊！”

搭128路车，个司机停站嗰时，有个阿伯想上车，佢问个司机：“司机哥哥，到唔到尽头啊（到终点站）？” 个司机话：“我闸住你阿伯，我咁后生，几时先得到尽头啊？” 几年前喺同德围住，早上搭556，嗰时逼到懵，嗰度又多外地人。有日由于部车已经逼满了，关门开走，后面有个外省未上到车，就追住部车跑，但系司机唔想停。跟住个外省人一边追一边嗌“师傅，等等我啊，师傅，你等等我啊！” （北方人都中意将司机叫成师傅）司机系广州人，一边开又一边用好唔标准嘅普通话回应：“八戒，你就别追啦！” 系车头企嘅人笑到企唔稳！

每日上落班不妨留意下呢啲老司机啦！

自己友Tee「为食人生」系列

预售期间每件99元