广东人嘅新年，都系从办年货开始。

今年除夕系1月27号，所以其实过完元旦冇几耐，就到春节啦。挨年近晚，你哋屋企系咪陆续开始置办年货呢？

阿咩就要醒返份《广东人必买年货清单》畀你哋啦！

年货

粤语中又名“年宵嘢”或者“年晚货”，无非系过年前购买嘅好嘢、靓嘢、笋嘢，而摆卖年货嘅临时摊点就叫“年宵档”。

年货多数用于跨年，广东人希望好头好尾，所以买年货就非常睇重两个字——

意头！

必买：煎堆、油角、蛋馓

油炸食品统称“油器”，“油器”同“油气”同音，家有油气意味住“家肥屋润”，油器喺广东新年占好重地位，就连开油镬炸油器要选吉日。

常见“油器”有煎堆、油角、蛋馓、糖环等，以煎堆和油角为主角，因为民间有“煎堆碌碌，金银满屋”同“油角弯弯，家财百万”嘅讲法。

必买：萝卜糕、马蹄糕、

忌讳：蒸唔熟嘅生糕

广东人过年都会蒸糕、食糕，以求来年财旺行运、步步高升，除咗糯米糕，仲有萝卜糕、马蹄糕、发糕、芋头糕和千层糕。

其中最受大众欢迎嘅就系萝卜糕，年节食品大多肥厚油腻，容易引起消化不良，萝卜糕可以除腻消滞，帮助消化。

必买：糖莲子、糖莲藕、糖橘饼

后增：朱古力、曲奇等西方甜点

广东嘅传统糖果，指用白糖腌制嘅食物，寓意来年甜甜蜜蜜。

包括有糖莲藕、糖莲子、糖椰角、糖椰丝、糖橘饼、糖瓜条、糖马蹄等，统称“五经果”（“五”系虚数，并非实数）。

必买：开心果、瓜子、腰果、花生

干果瓜子一般用嚟过年嘅时候招呼客人，以前会有瓜子、花生，20世纪之后增加咗开心果、腰果、夏威夷果、碧根果、榛子等。

必买：干货、腊味、海味

以前过年，每家主妇都要备三大样：

第一样系干货，如冬菇、笋干、雪耳等；

第二样就系腊味，即腊肉、腊肠、腊鱼、腊鸭和蜡猪头；

最后一样系海味，除咗我哋经常提到嘅海味四大王牌——鲍参翅肚，仲有鱿鱼、虾米和蚝豉。

腊味作为广东美食一大代表，肯定系每年必买年货，而干货、海味，除咗系讲意头，顺便为年夜饭做准备，比如蚝豉用嚟整“发菜焖蚝豉”，寓意来年生意“发财好市”。

必买：挥春、门神、利是封

挥春除咗指春节期间贴嘅对联，仲有红纸上写嘅各种吉利话，所以挥春可能只有一两个字，或者四字词语。

以前嘅广东人习惯贴门神，以求驱邪避灾，护宅祈富，有人贴关羽张飞，有人贴秦琼同尉池恭。

依家好多人屋企都系单门，冇办法再贴成对嘅门神，不过买对财神抱枕代替都系非常唔错嘅选择。

传统嘅利是，系用一张红纸包住压岁钱，多少有啲单调，所以你就需要一啲传统与创新兼备嘅利是封。

必买：桃花、代代果、水仙

忌买：菊花（同“掬气”嘅“掬”同音）

          兰花（与“烂”音近）、梅花

每年农历腊月廿八到除夕，广东各地都会有自己的花市，而行花市、买花就成为广东人必备活动。

经常买嘅花种有：吊钟（寓意钟鸣鼎食）、水仙（代表大富大贵）、代代果（寓意后继有人）、猪笼草（寓意“猪笼入水，盆满钵满”）等。

而桃花就系广东人最中意嘅意头花，“桃”同“图”同音，桃花有大展宏图、鸿运当头嘅意思，同时可以为屋企单身男女带嚟“桃花运”

最后，全新嘅一年，要好头好尾，你又点可以唔买返个日历，做好来年嘅计划，赢喺2017嘅起跑线上！

办好年货，先有年嘅味道。要买到好年货，肯定要搵间好嘅年货铺。你嘅首选就系——

羊记杂货铺

以上提及商品，喺羊记杂货铺均有售！

限量供应，欲购从速！

扫描二维码或点击原文即可进入！

淘宝购买请搜索【羊记杂货铺】

本文看点由羊城网原创

特此声明