最近，“人民网”同“四大天王”一齐上热搜

起源系人民网嘅一条微博，

民警郭富城啱领完证就上岗开工！

然后网友惊奇发现，

失落民间嘅四大天王

已经喺人民网集合完毕！

涉嫌违法被双开嘅局长助理“刘德华”

卖假药被判刑嘅神医“张学友”

捐资助学嘅79岁农民“黎明”

点都估唔到，

四大天王嘅再次同台，

竟然系以呢种方式！

大家仲记唔记得四大天王上次同台，

系几时嘅事？

如今四个人各自发展，

各自有各自嘅事业同生活，

已经好难再可以聚埋一齐~

历史上佢哋经典嘅同台，

你又知道几多？

今次系四大天王第一次同台，当时四大天王事业啱起步，大家都仲好年少气盛。

92年嘅港姐比赛，为咗配合当年嘅埃及主题，四大天王扮成异域王子，分别同91年港姐冠军郭蔼明表演歌舞，四人嘅表演成为整个晚会的高潮。

而黎明同郭富城嘅扮相被认为系最靓仔，你哋觉得咧？

1991年，华东遭遇严重水灾。1993年4月，香港演艺界“减灾扶贫之星”抵京，参加喺人民大会堂举行嘅义演活动。

香港调动咗当时几乎全部嘅一线明星参与活动，其中包括四大天王。四人有合唱，特别系民歌部分，选唱王骆宾嘅歌，喺北京风靡一时。

呢次四大天王首次喺露天体育馆演唱，各自表演过后有歌曲联唱时间，轮到其中一人唱嘅时候，其他三人就喺后边模仿佢嘅动作扮舞，

郭富城唱完《对你爱不完》，张学友和黎明都跳标准嘅城氏动作。

嗰时，四大天王争夺奖项争得非常激烈，几乎所有奖项都畀佢哋四个攞晒。

而参加呢个义演嘅时候，张学友喺台上讲希望四大天王可以和睦相处，呼吁歌迷唔好互相谩骂打击，唔希望好似张国荣同谭咏麟嘅歌迷一样，所以就一齐合唱谭咏麟嘅《朋友》。

嗰年嘅颁奖典礼上，四大天王分别演唱咗自己嘅代表曲目， 刘德华 《谢谢你的爱》、张学友 《只想一生跟你走》、郭富城 《狂野之城》 、黎明《夏日倾情》，当时仲有王菲都参加颁奖，四王一后一齐飙歌。

四大天王共同参与嘅“太阳计划”（非正规教育活动）有3次。

最后一次共同参加嘅时候，四个人都系休闲打扮，现场气氛很热烈，而当时台下歌迷都非常冷静，冇出现互相谩骂嘅情况，被传为佳话。

此后，四大天王都冇再喺“太阳计划”同台表演过，之后嘅几年嘅太阳计划，都系单独请一个天王嚟压轴。

1997年香港回归当日，特区政府矩形庆典，香港娱乐圈有8个歌手成为表演嘉宾：四大天王、谭校长、王菲、林子祥同叶倩文夫妇。

四大天王着得非常，器宇轩昂，一齐合唱香江组曲。

▲

最右边嘅系王菲喔~

2003年4月4日，第22届香港电影金像奖喺张国荣自杀后4天举行，会上刘德华、张学友、黎明、郭富城一袭黑衣合唱《当年情》。

呢次同台合唱唔单单系对哥哥嘅哀悼，仲代表当时香港人对香港娱乐圈当年辉煌嘅怀念。

香港回归10周年庆典晚会上，四大天王同台演唱咗自己嘅饮歌：黎明《哪有一天不想你》、张学友《爱是永恒》、刘德华《中国人》、郭富城《动起来》，最后四人再压轴合唱《始终有你》，场面嗨到爆炸。

作为佢哋嘅歌迷、影迷，虽然唔知佢哋会唔会有下一次同台，但我哋依然一直期待。

我哋会不时怀念曾经嘅四大天王，

因为佢哋承载咗好多人已逝去嘅青春，

代表住香港娱乐圈最后嘅辉煌同巅峰。

嗰年，刘德华仲未唱恭喜你发财；

嗰年，黎明仲未同范冰冰“马震”；

嗰年，张学友都仲未成为表情包；

嗰年，郭富城并未同个网红拍拖；

嗰年，你又喺边度？又做紧咩？

最后奉上四大天王同台唱《当年情》嘅视频

素材出自贴吧。搜狐

羊城网负责整理编辑