早上七点嘅时候，我哋仲喺度关心紧巴黎圣母院有冇事，但边个都谂唔到，下午时分忽然杀出一个程咬金——“安心偷食”事件。
到咗傍晚七点，本次嘅男主角许志安开咗一个记者招待会向粉丝媒体道歉。
成场记者招待会，我唯一记得佢讲嘅一句金句：我呢刻，系冇咗灵魂嘅，我系一个坏咗嘅人！
有冇灵魂我唔知，不过我好肯定嘅系香港最后一个童话，已破灭！一切早已物是人非！许志安依家讲乜都冇用。
世界上，有一样嘢真系从来都冇令建六编辑部失望过，冇错，就系香港媒体枝笔到底有几毒！
ham、ceoi、laai、ziu样样齐（手动狗头），又系借音，又系押韵咁，更何况系今次嘅“安心偷食”。
从“安心偷食”到“安心上路”，呢一次，香港媒体依然冇失手！
港媒，先至系最早嘅标题党，啲乜UC震惊部，根本比唔上佢哋，点解？
因为香港八卦杂志标题嘅特点就系——
点贱格点嚟！
点低俗点嚟！
点出位点嚟！
“八卦”系从香港传出嘅流行语，关于八卦杂志嘅由来，有个有趣嘅说法。
早年香港黄色书刊发行，封面裸露照片嘅重点部位会加八卦图，达到马赛克嘅效果，久而久之，八卦杂志嘅叫法就流传落嚟，后来演变成依家报道明星私生活嘅杂志。
所以，今日一于就嚟重温下香港八卦杂志嘅起标题功力！（本文仅针对港媒嘅遣词造句，对于报道嘅真伪是非均不作讨论！）
用尽一切办法踩低明星外貌
首先，好多媒体会评论明星嘅外貌，不过港媒更加多系贬低明星嘅颜值（尤其系女明星）！
当年Angelababy嘅零波排骨就系一个经典嘅例子！
狗仔通常会特登刊登一张影得最丑嘅抓拍照，然后用极其尖酸刻薄嘅语言踩低明星外貌！
比如形容女性身材走样，通常用面肿、巨趸、肥腩、粗髀、暴瘦之类……
所以喺香港做女艺人都真系好惨！一唔小心就会畀人影到丑照，添油加醋踩你个样！
就连李英爱都冇办法逃脱港媒嘅毒舌！畀人话面皮下堕！
李连杰都会畀人怼！
当然，有时候港媒都会刊登啲靓相，不过啲配字就依然系贬低嘅意思。
前有李珊珊嘅“八字波”！（我只可以讲，真系形容得好生动……）
后有徐子珊嘅“厚唇吸盘嘴”！
然后我哋嚟睇下薛凯琪嘅“改头换面变B餐”“倒模谢安琪”（暗指薛凯琪整容）！
最狼死嘅莫过于景黛音畀人喺街边抓拍，真人同自拍差天共地，美魔女形象一去不复返！（隔离仲要陪埋梁朝伟嘅设计对白，你话绝唔绝！）
动词丰富过粤语词典
有阵时你都咪话，香港八卦杂志标题嘅动词真系丰富又生动，齐全过睇粤语词典！
港媒常用字：嗒
（形容男女之间勾搭，相互产生情愫）
港媒常用字：断正
（做错事畀人啱好见到）
港媒常用字：追
（常用于明星夫妇生完一胎之后，想再生第二胎）
港媒常用字：谷
（强力推动做某事）
港媒常用字：围+某个动词
（形容一个人被一群人围住攻击，孤立无援）
仲有啲动词比较少见，第一眼睇都未必知道系咩意思。
比如话
“界刂”为香港用字，代表男女之间追求，多数形容唔长久，玩下就算嘅感情。
又比如
“?”为粤语方言字，原意为吐（比如?饭应），又有纠缠、缠磨嘅意思。
而有啲动词虽然唔陌生，但系用喺一啲场景，真系浮夸得嚟又极具画面感！
“丧爆狠激狼”百搭所有动词
为咗搏眼球，港媒用词会非常夸张，最常见就系用“丧爆狠激狼”搭配任何一个动词，以制造爆炸性话题！
呢啲标题简直同“震惊了13亿人”“不转不是中国人”“朋友圈都传疯了”有得一挥，真系令人忍唔住会翻开本杂志嚟睇！
港媒嘅创意永远系无限……
为咗销量，港媒曾经发明过好多令你自叹不如嘅创意标题。
谐音起标题不过系小儿科洒洒水！
如果明星夫妇离异，有子女嘅情况下，某一方畀赡养费或赔偿金之类，就会被形容为“交赎金赎仔女”！
今个星期电视剧播到某个高潮剧情，就会用“高潮位”嚟形容！
形容错综复杂嘅情感关系，港媒嘅形容通常同食物或进食有关，香港果然都系饮食男女！
行咇，由“行Beat”音译而来，指警察巡逻，有一次港媒将其引申为结伴出行！（至于出行做咩，自己睇啦……）
用“环保情痴”“回收”形容二人旧情复燃，真系有创意过内地媒体！
而我觉得最令人无法反驳嘅标题就系邓丽欣佟排球女教练嘅“同姓恋”（唔系“性”）！
睇完上边啲例子，你系咪都我一样，佩服到冇晒声出呢！
港媒嘅创意真系无下限， 就好似今次“安心上路”噉 只有你估唔到，冇佢哋谂唔到！ 各位自己友心目中 将粤语发挥到极致嘅例子系边个？ 你哋又会用咩词嚟概括今次呢件事呢？
图片素材出自网络。
本文由羊城网原创，未经授权禁止转载。
最新评论