最近TVB台庆剧《夸世代》开播，

讲真，当我睇完第一集，

乜鬼剧情人物关系都唔记得，

我剩系知道，

八婆克星、妇女之友陈豪又返嚟啦！

第一集陈豪双叒叕被色诱，

秘书Annie打开恤衫将成枝香槟由头倒落心口，

画面香艳到我一个女人都把持唔住……

仲配埋啲经典姣婆语录，

跟住唔发生啲咩不可描述嘅情节

都对唔住观众啦！

然而，我都系太天真，

陈豪畀咗一个无懈可击嘅钢铁直男回答范本！

呢种落差感，

只有用黄智贤嘅表情包先可以诠释！

呢个已经唔系陈豪喺剧中第一次插八婆，

那些年陈豪插八婆事迹简直可以出本书，

最早可以追溯至十几年前嘅《洛神》！

女二郭嬛话要割肉畀甄宓食，

其实系为咗扮忠心，博同情。

曹植呢种花靓倞很快就中计，

即刻过去阻拦郭嬛！

然而我哋嘅八婆终结者

陈·钢铁直男·豪早就睇穿一切！

哈哈哈！惊唔惊喜！意唔意外！

直接递一把更锋利嘅刀，

今时今日咁贴心嘅服务简直买少见少！

《溏心风暴之家好月圆》入边

陈豪嘅八婆克星修为更上一层楼！

前面表叔恭喺度吹捧红姨嘅付出，

全场人都敢怒不敢言。

陈豪饰演嘅阿卡

当场踢爆红姨小产嘅真相，

红姨联同表叔恭一齐屈自己细路，

话系自己细路间接令到红姨小产！

铿锵有力，直插红姨

就问你服未！

如果你觉得仲唔够精彩，

就睇阿卡跣家美呢一幕！

Sa姨踢爆家美唔系小产，系自己堕胎

仲要将责任推畀无辜嘅荷妈，

攞住条藤条就要fi家美！

阿卡一声“唔好打”制止住Sa姨，

你以为佢真系想拦住Sa姨，

咁你就太傻太天真啦啦啦！

事实真相系——

系咪熟悉嘅配方，熟悉嘅味道呢！

煽风点火插八婆，我就服陈豪一个！

其实呢几年TVB多咗好多好男人角色，

比如陈豪喺《鬼同你OT》、《来自喵喵星的你》

都畀杨秀惠色诱都坐怀不乱。

（我一度怀疑过系陈茵微贿赂晒啲编剧）

其中最经典嘅《情越海岸线》

朱璇捉咗张国强老婆，仲勾引张国强

希望令两个人感情破裂。

但张国强一面正气拒绝咗样靓身材正嘅朱璇，

讲咗一番对老婆嘅深情表白

直接秒杀在场所有男性！

桥黑板啦！

各位男性仲唔熟读全文并背诵？

当女朋友或老婆问你啲假设性问题，

你直接重复一次对白，

保证你安全渡过80%难关！

除咗陈 · 八婆克星 · 豪

同张 · 姣婆终结者 · 国强

你心目中嘅直男典范仲有边个？