讲起TVB剧集，你可能未听过《大时代》，都可能未睇过《真情》。有一部剧，你一定睇过，就算你冇睇过，佢首主题曲你一定识得唱两嘴：

嘿呀嘿呀嘿    嘿呀嘿呀嘿

团结一心有新转机
哪怕是万尺风浪
都可挽手冲天飞
嘿呀嘿呀嘿 嘿呀嘿呀嘿
团聚分享快乐园地
笑与泪在你我之间
人生多惊喜

 

呢首一听前奏就识唱嘅《皆大欢喜》主题曲，绝对秒杀而家嘅《小苹果》、《最炫民族风》，成为各大公园广场舞头牌舞曲，绝对冇问题。

 

回想起十几年前晚晚食完饭就坐喺电视机前面，打开翡翠台，等够钟播呢部《皆大欢喜》。每集得30分钟，完全唔够睇！

 

有时怀念一部电视剧，只不过系怀念同屋企人一齐睇电视嘅温馨日子。而《皆大欢喜》更加系合家欢嘅集体回忆。

 
 

讲返正题，《皆大欢喜》系TVB喺2001年出品嘅一部古装处境喜剧。讲述咗一个大家族中发生嘅故事。剧集播出之后，收视成绩靓仔，于是TVB又开咗一部时装版。

 

古装版开拍嘅时候，本来净系打算拍100集左右。因为太受欢迎，收视率高企，所以延长咗将近200集，直到322集先大结局。

 

2003年5月，“食过返寻味”嘅TVB又推出原班人马主演嘅《皆大欢喜》时装版，共443集。两辑合共770集。

 

当年两辑《皆大欢喜》红透粤港澳，仲影响埋大家嘅日常生活，谂返起嗰时：

 

梗会帮自己个严格班主任或者变态老世改个花名叫万贵妃，中意打小报告嘅刷鞋仔叫凌公公，成日虾虾霸霸讲嘢大大声嘅就叫万国舅….

 

点解《皆大欢喜》咁受欢迎？

 

无论年纪大细，男人定女人，都一定会答：“搞笑咯。”

曾经有一位香港影评人咁样评价《皆大欢喜》：

 

“

 

烂gag人人都识讲，听得多就会厌。佢嘅成功之处，系将一个又一个烂gag通过演技表达出嚟，而且，今日睇家燕姐演烂gag，听日睇谢天华，后日睇阮兆祥，一啲都唔觉得厌。

当然喇，《皆大欢喜》之所以成功，好大功劳系演员够演技。令每个角色都有自己嘅性格，角色名仲大玩谐音，简直欢乐满分！我哋一齐嚟回忆下！

 

 薛家燕 // 游念慈，金年金月金日之母

 

 

林文龙 // 金年，金家大少

 

 

谢天华 // 金月，金家二少

 

 

陈彦行 // 金日，游念慈之三女，金月之妹

 

 

阮兆祥 // 游念富，年月日之舅父

 

 

赵学而 // 林玉露，金月之妻

 

 

梅小惠 // 石美，金月之妾

林漪琪 // 云影姬，游念富之妻

 

 

廖碧儿 // 假恭欣素，深田公主

刘恺威 // 阮鲸丹，深田公主侍从

刘丹 // 皇上

洪天明 // 石彪

颜国梁 // 石大川

马海伦 // 陈娇，石大川之妻

 

 

姚乐怡 // 石娣，石大川之女，石彪之妹

马蹄露 // 海棠

韩马利 // 火炎炎

邓兆尊 // 高尔康，金日相公，太子

苑琼丹 // 纱纱郡主

车婉婉 // 万贵妃

李国麟 // 万国舅，万贵妃之兄

萧亮 // 半日仙，算命佬，剧中重要NPC嘅角色

 

 

邵美琪 // 宝玲逑

郭耀明 // 宝妃旧情人

河国荣 // 波斯王子

 

 

韩君婷 // 波斯王妃

谭小环 // 恭欣素

 

 

余慕莲 // 王大妈

 

讲到角色，唔可以唔提，皆大欢喜最强茄哩啡——马国明，一人竟然分饰九角：

 

一阳子，算命佬

 

恶霸

 

无赖

 

围观群众

 

街边小贩

 

马安山，莎莎郡主相睇对象

 

某公子

 

翰林院书生

 

翰林院官员

 

喺翰林院都可以有两个角色，果然系最强茄哩啡……

 

睇完呢啲熟悉嘅角色之后，系咪突然想追返《皆大欢喜》咧？

 

《皆大欢喜》剧情温馨搞笑，实在系电视捞饭嘅最佳选择！最近剧荒嘅自己友，不妨睇返！睇完古装版，仲有时装版。唔怕以后食饭太孤单！

我哋建咗个【自己友睇片】群，同你一样追港片港剧嘅自己友喺群度等你。

长按识别二维码加羊城网 小沅子微信，备注【追剧】，等佢拉你入群喇！